မြစ်ဆုံစီမံကိန်း ရပ်ဆိုင်းခြင်း ခုနစ်နှစ်ပြည့် အခမ်းအနားတွင် လူထုအစိုးရအနေဖြင့် မြစ်ဆုံစီမံကိန်းကို ပြတ်ပြတ်သားသား ဆုံးဖြတ်ချက်ချသင့်ပြီ ဖြစ်ကြောင်း ဒေသခံများက အောက်တိုဘာ ၁ ရက်တွင် တောင်းဆိုခဲ့သည်။

ယင်းအခမ်းအနားကို မြစ်ဆုံ အပန်းဖြေစခန်း၊ တန်ဖဲကျေးရွာအဟောင်းရှိ ကချင်ရိုးရာ ယဉ်ကျေးမှုရုံးဝင်းအတွင်း “အချိန်တန်ပြီ” ခေါင်းစဉ်ဖြင့် ကျင်းပခဲ့ခြင်းဖြစ်ပြီး နိုင်ငံရေးပါတီ ခေါင်းဆောင်များ၊ စာရေးဆရာများ၊ ပညာရှင်များနှင့် ဒေသခံ နှစ်ထောင်ဝန်းကျင် တက်ရောက်ခဲ့သည်။