![Photo: Premier League](https://news-eleven.com/sites/news-eleven.com/files/styles/news_detail_image/public/news-images/premier_2.png?itok=BC50gV1S)
၂၀၂၃-၂၄ ရာသီ ပရီးမီးယားလိဂ်ပြိုင်ပွဲ၏ အကောင်းဆုံးပွဲအဖြစ် ချယ်လ်ဆီး ၄-၄ မန်စီးတီးပွဲ ရွေးချယ်ခံခဲ့ရကြောင်း သိရသည်။
ပရီးမီးယားလိဂ်အဖွဲ့ချုပ်သည် ၂၀၂၃-၂၄ ရာသီ ပရီးမီးယားလိဂ်ပြိုင်ပွဲမှ အကြိတ်အနယ်အရှိဆုံး (၈)ပွဲကို ဆန်ခါတင်အဖြစ် ထုတ်ပြန်ကာ ပရိသတ်များအား မဲပေးရွေးချယ်စေခဲ့ခြင်းဖြစ်သည်။
ချယ်လ်ဆီး ၄-၄ မန်စီးတီးပွဲက ဆန္ဒမဲအများဆုံးရရှိခဲ့ပြီး ပရိသတ်(၃၆%) မဲပေးခဲ့ကြောင်း သိရသည်။
ဒုတိယနေရာတွင် ချယ်လ်ဆီး ၄-၃ မန်ယူပွဲက ဆန္ဒမဲ(၂၇%)ဖြင့် ရပ်တည်ခဲ့ပြီး တတိယနေရာတွင် လီဗာပူးလ် ၄-၃ ဖူလ်ဟမ်ပွဲက ဆန္ဒမဲ(၁၂ %)၊ စတုတ္ထနေရာတွင် ဝုလ်ဗ် ၃-၄ မန်ယူပွဲက ဆန္ဒမဲ (၁၁%)ဖြင့် ရပ်တည်ခဲ့ကြောင်း သိရသည်။