စိတ်ကူးကြည့်လိုက်စမ်းပါ။ အသက် (၁၆) နှစ်အရွယ် ချာတိတ်လေးက ယူရိုလိုပြိုင်ပွဲကို Street Football ပွဲလိုသဘောထားပြီး ပေါ့ပေါ့ပါးပါး ကစားပြနေတာကို စိတ်ကူးကြည့်လိုက်စမ်းပါ။  စိတ် ကူးယဉ်အတွေးမဟုတ်တဲ့အရာကို ယမားလ် သရုပ်ဖော်နိုင်ခဲ့ပြီ။ ယူရိုပြိုင်ပွဲသမိုင်းတစ်လျှောက်  အသက်အငယ်ဆုံး ပွဲထွက်ကစားသူအဖြစ် မှတ်တမ်းဝင်ခဲ့ပြီ။ ခရိုအေးရှားကို စပိန်ဂိုးပြတ်အနိုင် ရတဲ့ပွဲမှာ ယမားလ်က ဂိုးဖန်တီးမှုတစ်ကြိမ် လုပ်ပြပြီး သူ့ပုံရိပ်ကို ပိုထင်ရှားစေခဲ့တယ်။