ကာဂလီယာရီ - လက်ချီ (တနင်္ဂနွေညနေ ၅း၀၀ နာရီ)
ခြေစွမ်းကွာဟမှုမရှိတဲ့ (၂)သင်း ထိပ်တိုက်တွေ့ဆုံတဲ့ပွဲ ဖြစ်ပြီး ကာဂလီယာရီကတော့ ပွဲကျပ်တွေ ကစားခဲ့ရတယ်။ လက်ချီက အဝေးကွင်းကစားပုံမဆိုးပေမဲ့ ကာဂလီယာရီ ရလဒ် ကောင်းဖို့များတယ်။
အမ်ပိုလီ - ဖရိုဆီနိုနီ (တနင်္ဂနွေည ရး၃၀ နာရီ)
တန်းဆင်းဇုန်တိုက်ပွဲဖြစ်ပြီး အမ်ပိုလီက စီးရီးအေအိမ် ကွင်း နောက်ဆုံး (၂)ပွဲဆက် အနိုင်ရခဲ့တယ်။ ဖရိုဆီနိုနီကလည်း နောက်ပိုင်းပွဲတွေမှာ ရလဒ်ပိုင်းတက်လာတယ်။ ဖရိုဆီနိုနီ သ ရေနဲ့ အနိုင်ပဲ။
ဗီရိုနာ - ဖီအိုရင်တီးနား (တနင်္ဂနွေည ရး၃၀ နာရီ)
ဗီရိုနာက တန်းဆင်းအန္တရာယ်ရှိသေးတယ်။ ဒါပေမဲ့ သူတို့ ရဲ့ အိမ်ကွင်းကစားပုံက အရမ်းဆိုးရွားနေတာတော့ မဟုတ်ပါ ဘူး။ ဖီအိုရင်တီးနားက ဥရောပပြိုင်ပွဲကစားနေရတာကြောင့် ပွဲ ပန်းနေနိုင်တယ်။ ဗီရိုနာကို ကြိုက်တယ်။
အေစီမီလန် - ဂျီနိုအာ (တနင်္ဂနွေည ၁၀း၃၀ နာရီ)
အေစီမီလန်က အဆင့်(၂)နေရာ ရယူနိုင်ဖို့ကိုပဲ ကြိုးစား ရတော့မှာဖြစ်ပေမဲ့ စီးရီးအေနောက်ဆုံး (၃)ပွဲဆက် နိုင်ပွဲပျောက် ခဲ့တယ်။ ဒါပေမဲ့ ရာဖေးလီယာအို၊ ဂျရူး၊ ပူလီဆစ်တို့က ပွဲအဖြေကို ပြောင်းလဲနိုင်သူတွေလို့ ဆိုနိုင်ပါတယ်။ ဂျီနိုအာက ရမှတ်လိုအပ် ချက်မရှိတော့တဲ့အသင်းပါ။ ဒါ့အပြင် အေစီမီလန်နဲ့တွေ့ဆုံတဲ့ နောက်ဆုံး (၅)ပွဲဆက်လည်း ရှုံးနိမ့်ခဲ့တယ်။ အေစီမီလန် (၂-ဝ) ဂိုးလောက်နဲ့ နိုင်မယ်။
ရိုးမား - ဂျူဗင်တပ်စ် (တနင်္လာနံနက် ၁း၁၅ နာရီ)
ဒီအချိန်မှာ ရိုးမားက ပြည်တွင်းပြိုင်ပွဲထက် ပြည်ပပြိုင်ပွဲကို ပိုအာရုံစိုက်နေတယ်။ လေဗာကူဆင်နဲ့ယူရိုပါလိဂ်အရေးကြီး ပွဲကစားထားရတာကြောင့် ရိုးမားအသင်းပွဲပန်းနေနိုင်တယ်။ ဂျူဗင်တပ်စ်ကလည်း ရာသီအစကလိုမဟုတ်တော့ဘူး။ အမှတ် လေလွင့်မှုတွေများနေပြီး စီးရီးအေနောက်ဆုံး (၆)ပွဲမှာ (၄)ပွဲအထိဂိုးပေါက်ပျောက်ဆုံးခဲ့တယ်။ ကြယ်ပွင့်တိုက်စစ်မှူး ဗလာဟို ဗစ်ကိုယ်တိုင် ရုန်းကန်နေရပြီး မီလစ်ခ်ကလည်း ထင်သလောက်အားမကိုးရသေးဘူး။ (၂)သင်းပေါင်းသွင်းဂိုးနည်းနိုင်ပြီး သရေ ကျဖို့များတဲ့ပွဲမျိုးပါပဲ။
