အင်္ဂလန်ဘောလုံးအဖွဲ့ချုပ်(FA)သည် လောင်းကစားစည်းမျဉ်း ချိုးဖောက်မှုဖြင့် နယူးကာဆယ်ကွင်းလယ်ကစားသမား တိုနာလီကို စွဲချက်တင်လိုက်ကြောင်း သိရသည်။
အီတလီကစားသမား တိုနာလီ(၂၃ နှစ်)သည် ပြီးခဲ့သည့်နွေရာသီ တွင် အေစီမီလန်အသင်းမှ နယူးကာဆယ်အသင်းသို့ ပြောင်းရွှေ့ခဲ့သူဖြစ်ပြီး အီတလီနိုင်ငံတွင် လောင်းကစားစည်းမျဉ်း ချိုးဖောက်ခဲ့မှုကြောင့် ပွဲပယ်ပြစ်ဒဏ်(၁၀)လ ချမှတ်ခံထားရသူဖြစ်သည်။
ယခုအခါ ပရီးမီးယားလိဂ်ရာသီအစောပိုင်း ပွဲစဉ်များတွင်လည်း အကြိမ်(၅၀)လောင်းကစားပြုလုပ်ထားကြောင်း တွေ့ရှိရသဖြင့် FA က စွဲချက်တင်ခဲ့ခြင်းဖြစ်ကြောင်း သိရသည်။
တိုနာလီအနေဖြင့် ဧပြီ(၅)ရက်မတိုင်မီ ဖြေရှင်းချက်ပေးရမည်ဟု သိရသည်။
