ရခိုင်ပြည်နယ် ဘူးသီးတောင်မြို့တွင် ဘင်္ဂါလီ များက တိုက်ပွဲအလိုမရှိဟုဆိုကာ AA အဖွဲ့အား မတ်လ ၁၉ ရက်က ဆန္ဒပြခဲ့ကြောင်း သိရသည်။
ထိုသို့ ဆန္ဒပြရာတွင် မတ်လ ၁၉ ရက် ညနေ ၃ နာရီခန့်တွင် ဘူးသီးတောင်မြို့ရှိ ရပ်ကွက်/ကျေးရွာများမှ ဘင်္ဂါလီ ဦးရေ ၂၀၀၀ ကျော်သည် အဆိုပါမြို့ရှိ အမှတ် (၁) အခြေခံပညာအထက်တန်းကျောင်းရှေ့၌ စုဝေးပြီး ၎င်းစုရပ်နေရာမှ မေယုလမ်းမ ကြီး - နတ်ပင်ရင်းလမ်းဆုံ - ဦးဥတ္တမလမ်းနှင့် နာရီစင် လမ်းဆုံအတိုင်း ငြိမ်းချမ်းစွာ စီတန်း လှည့်လည် ချီတက်၍ ဆန္ဒဖော်ထုတ်ကြကာ ညနေ ၆ နာရီခန့်တွင်လူစုခွဲခဲ့ ကြောင်းသိရသည်။
အဆိုပါဆန္ဒပြပွဲတွင် AA အလိုမရှိ၊ တိုက်ပွဲအလိုမရှိ၊ ဘူးသီးတောင်မြို့ကိုကာကွယ်ကြ၊ ကျွန်ုပ်တို့သည် ပြည်တွင်းစစ်ကိုမလိုလားပါ၊ ဒီနေရာတွင် မည်သည့်စစ်ပွဲမှ မပြုလုပ်ရ စသည့် ကြွေးကြော်သံများကို မြန်မာ/ဘင်္ဂါလီ နှစ်ဘာသာ ဖြင့် ကြွေးကြော်မှုများ ပြုလုပ်ခဲ့ကြောင်း သိရသည်။