ဗီလာက သုံးရာသီဆက်ချန်ပီယံ မန်စီးတီးကို အလဲထိုးတယ်။ ပြီးတော့ ချန်ပီယံအိပ်မက် မက်နေတဲ့ အာဆင်နယ်ကို အလဲထိုးတယ်။ အိမ်ကွင်း (၁၅) ပွဲဆက်နိုင်ပွဲမှတ်တမ်းနဲ့အတူ ဗီလာဟာ အဆင့်သုံးနေရာ ရောက်ရှိနေပြီ။ အဲဒီနေရာကို သူတို့ကံကောင်းပြီး ရောက်ရှိနေတာ မဟုတ်ဘူး။ အူနိုင်းအမ်မရီနဲ့ ဗီလာ အသင်းသားတွေဟာ မှော်ဆန်တဲ့ရလဒ်တွေကို ဖန်ဆင်းပြနေတာ။ ပရီးမီးယားလိဂ်မှာ တိုက်စစ်ကစားပြီး ဖျော်ဖြေမှုအပေးနိုင်ဆုံးအသင်းဟာ ဂွါဒီယိုလာရဲ့မန်စီးတီး မဟုတ်ဘူး။ အာတီတာရဲ့ အာဆင်နယ် မဟုတ်ဘူး။ ယာဂန်ကလော့ပ်ရဲ့လီဗာပူးလ် မဟုတ်ဘူး။ အူနိုင်းအမ်မရီရဲ့ ဗီလာဖြစ်နေပြီ။