ချယ်လ်ဆီးအသင်းက ယုံကြည်အား ထားရမယ်လို့ ယူဆတဲ့ နောက်ခံလူ(၃)ဦးကိုသာ အသင်းမှာ ဆက်ထိန်းထားပြီး ကျန်တဲ့တစ်သင်းလုံးကို မြေလှန်ပြောင်းလဲပစ်ခဲ့ခြင်းပါပဲ။ ဒီအတွက် ဘယ်လိုအကျိုးသက်ရောက်မှုတွေ ရှိလာမလဲ။ တစ်စိတ်ချင်း တစ်ပိုင်းချင်း ဖဲ့ထွင်ပြောင်းလဲလို့ ရနိုင်တဲ့ အသင်းတစ်သင်းကို တော့ဒ်ဘိုလီက ဘာကြောင့် အလုံးစုံပြောင်းလဲပစ်ချင်ရတာလဲ။ ရုရှားသူဌေး အေဘရာမိုဗစ်ချ် ချန်ရစ်ထားခဲ့တဲ့ အခြေခံ အုတ်မြစ်အပေါ် တည်ဆောက်ယူရတဲ့ အောင်မြင်မှုမျိုးကို မလိုချင်ဘဲ ကိုယ့်ခြေကိုယ့်လက် အစအဆုံးတည်ဆောက်ယူချင်တာကြောင့်လည်း ဖြစ်နိုင်ပါတယ်။ ဘာပဲဖြစ်ဖြစ် ဒီလိုအတ္တမျိုးနဲ့ တည်ဆောက်နေခဲ့တယ်ဆိုရင်တောင် သူ့ရဲ့ ကိုယ့်ကိုယ်ကိုယုံကြည်မှုနဲ့ စွန့်စားရဲတဲ့ စိတ်ဓာတ်ပိုင်းကိုတော့ အသိအမှတ်ပြုပေးရမှာပါ။ ဒါပေမဲ့ သူ့ရဲ့ စွန့်စားခန်းက နည်းပြအတွက်တော့ အသည်းထိတ်စရာပါ။ ငွေတွေအများကြီး သုံးစွဲပေးထားခဲ့ပြီးမှ အောင်မြင်မှုမရယူနိုင်ခဲ့ဘူးဆိုရင် . . .