အခုရာသီ ဝက်စ်ဟမ်းအသင်းရဲ့ ပရီးမီးယားလိဂ်အဖွင့်စာမျက်နှာက လှပနေတယ်။ ပရီးမီးယားလိဂ် (၄)ပွဲ ကစားပြီးချိန်မှာ ရှုံးပွဲမရှိသေးဘဲ (၃)ပွဲနိုင်၊ (၁)ပွဲသရေရလဒ် ရယူနိုင်ခဲ့တယ်။ အမှတ်ပေးဇယား အဆင့် (၄)နေရာမှာ ရပ်တည်နေတဲ့ ဝက်စ်ဟမ်းအသင်းဟာ ဥရောပဝင်ခွင့်တိုက်ပွဲအတွက် အသင့်ဖြစ်နေပြီဆိုတာကို ပြသနေတယ်လို့လည်း ဆိုနိုင်ပါတယ်။ ပရီးမီးယားလိဂ် (၄)ပွဲကစားခဲ့ရာမှာ ချယ်လ်ဆီးနဲ့ ဘရိုက်တန်တို့လိုအသင်းတွေကို အနိုင်ယူခဲ့တာကလည်း ဝက်စ်ဟမ်းအတွက် ကျေနပ်စရာဖြစ်ခဲ့ပါတယ်။