စပိန်ဘီလူးနှစ်ကောင်ရဲ့ နွေရာသီ

Photo : Getty Images

Published 24 July 2023

Wai Yan Aung

ကမ္ဘာမှာ တန်ဖိုးအကြီးဆုံးဘောလုံးအသင်းတွေကို ချရေးမယ်ဆိုရင် ရီးယဲလ်မက်ဒရစ်နဲ့ ဘာစီလိုနာတို့က ထိပ်ဆုံးနားမှာ ရှိနေပါလိမ့်မယ်။ မေလတုန်းက Forbes က ထုတ်ပြန်ခဲ့တဲ့စာရင်းမှာတော့ ရီးယဲလ်က နံပါတ်တစ်၊ ဘာစီလိုနာက နံပါတ်သုံး ဖြစ်ခဲ့ပါတယ်။ သူတို့က ဘောလုံးလောကရဲ့ အခိုင်မာဆုံးသော အမှတ်တံဆိပ်တွေလို့လည်း ဆိုနိုင်ပါတယ်။ ဘဏ္ဍာရေးကပ်ဘေး၊ ကိုဗစ်ကပ်ဘေး စသဖြင့် ဘယ်လိုဘေးဒုက္ခမျိုးနဲ့ပဲ ရင်ဆိုင်ရသည်ဖြစ်စေ ကြံ့ကြံ့ခံကျော်လွှားဖြတ်သန်းနိုင်တဲ့ အသင်းအနည်းငယ်ထဲက နှစ်သင်းလည်း ဖြစ်ပါတယ်။ ဒါပေမဲ့ အဲဒီကပ်ဘေးတွေရဲ့ ရိုက်ခတ်မှု ဒဏ်ရာဒဏ်ချက်တွေတော့ အနည်းနဲ့အများဆိုသလို ရှိတတ်ပါတယ်။