ဆာအဲလက်စ်ဖာဂူဆန်က စည်းကမ်းတင်းကျပ်ပြီး ကစားသမားတွေကို မျက်နှာသာပေးလေ့မရှိဘူး။ မန်ယူဆိုတဲ့ အမှတ်တံဆိပ်အထက်မှာ ဘယ်ကစားသမားမှ အခွင့်အရေးမရှိဘူးလို့လည်း ယူဆထားသူပါပဲ။ ဖာဂူဆန်ရဲ့သံမဏိစည်းကမ်းတွေကြောင့် ကစားသမားအများစု မကျေနပ်ကြဘူး။ တချို့က လူချင်းထိပ်တိုက်တွေ့ပြီးဖြေရှင်းကြတယ်။ ဘက်ခမ်၊ ရွိုင်ကင်း၊ နစ္စတယ်ရွိုင်း၊ ဖာဂူဆန်နဲ့ ပြဿနာမတက်ဖူးတဲ့ ကစားသမားတွေအများကြီးပဲ။ ခေါင်းမာတဲ့ စကော့တလန်အဘိုးကြီးဟာ စိတ်ကြီးဝင်မောက်မာတတ်သူလို့ ထင်ချင်စရာပဲ။ တကယ်ဆိုရင် အဲဒီလိုမဟုတ်ပါဘူး။ ဆာအဲလက်စ်ရဲ့ တကယ့်ပုံရိပ်အစစ်အမှန်ဟာ မီဒီယာတွေဖော်ပြတာနဲ့ တခြားစီပါပဲ။