ကင်ဂိုအွန်းနှင့် ဘောလုံးသမား ဆွန်ဟောင်မင်တို့ တွဲနေကြသည့် ကောလာဟလများကို မင်းသမီး၏ အေဂျင်စီက ငြင်းဆိုခဲ့သည်။
ကင်ဂိုအွန်းနှင့် ဆွန်ဟောင်မင်တို့၏ Instagram အပြန်အလှန်တုံ့ပြန်မှုများကို သက်သေထား၍ ၎င်းတို့ နှစ်ဦး တွဲနေကြသည်ဟူ၍ မကြာသေးမီက အွန်လိုင်းတွင် ကောလာဟလများ ပျံ့နှံ့လာခဲ့သည်။
ကင်ဂိုအွန်းသည် ဆွန်ဟောင်မင်၏ အကောင့်ကို follow လုပ်ခဲ့ပြီး ကင်ဂိုအွန်း၏ Instagram Stories တွင် ကမ္ဘာ့ဖလား၌ ကိုရီးယားကို အားပေးကြောင်း တင်ထားမှုအပေါ် Instagram အကောင့်တစ်ခုမှနေ၍ ကောလာဟလစတင်ဖြန့်ခဲ့သည်။
ထို့ပြင် ကင်ဂိုအွန်း၏အေဂျင်စီအကြီးအကဲကလည်း ဆွန်ဟောင်မင်နှင့် ၎င်း၏ဘောလုံးအသင်းစပါးကို Instagram တွင် follow လုပ်ခဲ့သည်။
ကင်ဂိုအွန်းအေဂျင်စီက “တွဲနေတယ်ဆိုတဲ့ ကောလာဟလတွေဟာ အမှန်မဟုတ်ပါဘူး။ သူတို့နှစ်ဦး တစ်ခါမှလည်း မတွေ့ဆုံဖူးပါဘူး။ ကင်ဂိုအွန်းဟာ ကိုရီးယားနိုင်ငံသူ တစ်ယောက်အနေနဲ့ကမ္ဘာ့ဖလားရာသီအတွင်းမှာ အားပေးသူတစ်ဦးအဖြစ် ရှိနေခဲ့တာပါ” ဟု အတည်ပြု ထုတ်ပြန်ခဲ့သည်။
