အာဆင်နယ်တိုက်စစ်မှူး ဂျေးဇူး နောက်ဆုံး(၅)ပွဲဆက် ဂိုးပေါက်ပျောက်ဆုံး

Photo: Reuters

Published 24 October 2022

အာဆင်နယ်တိုက်စစ်မှူး ဂျေးဇူးသည် ဂိုးပေါက်ပျောက်ဆုံးမှု (၅)ပွဲအထိ ရှိလာခဲ့ကြောင်း သိရသည်။

တိုက်စစ်မှူးသစ် ဂျေးဇူးသည် အာဆင်နယ်အသင်းအတွက် ရာသီအစ(၈)ပွဲတွင် (၅)ဂိုးသွင်းယူကာ ခြေစွမ်းပြခဲ့သော်လည်း စပါးနှင့်ပွဲတွင် ဂိုးသွင်းယူပြီးကတည်းက ဂိုးပေါက်ပျောက်နေခဲ့ရာ ယခုအခါ (၅)ပွဲအထိ ရှိသွားခဲ့ပြီဖြစ်သည်။

အဆိုပါပွဲများမှာ ဘိုဒယ်ဂလင့်၊ လီဗာပူးလ်၊ လိဒ်စ်၊ PSV နှင့် ဆောက်သမ်တန်တို့ဖြစ်ပြီး အာဆင်နယ်အသင်းအတွက် စိုးရိမ်စရာအနေအထားဖြစ်ကြောင်း သုံးသပ်မှုများလည်းရှိနေသည်။

ဂျေးဇူးသည် ဆောက်သမ်တန်နှင့်ပွဲတွင် အပိုင်အခွင့်အရေးအချို့ကို လွဲချော်ခဲ့ပြီး အကျိုးဆက်အဖြစ် အာဆင်နယ်အသင်း သရေရလဒ်သာ ရယူနိုင်ခဲ့သည်။