ဒေါ်အောင်ဆန်းစုကြည်၊ စီမံ/ဘဏ္ဍာဝန်ကြီးဟောင်း ဦးကျော်ဝင်းနှင့် ဦးစိုးဝင်း၊ ဒုတိယဝန်ကြီးဟောင်း ဦးဆက်အောင်၊ သြစတြေးလျနိုင်ငံသား မစ္စတာရှောင်တာနယ်တို့ကို မြန်မာနိုင်ငံ အစိုးရလျှို့ဝှက်ချက်များ အက်ဥပ​ဒေဖြင့် စွဲချက်တင်ထားသည့် အမှုနှင့်ပတ်သက် ယခင်စစ်​ဆေး​နေသည့် ခရိုင်တရားသူကြီး ခွင့်ယူထားသဖြင့် တရားသူကြီး အသစ်တစ်ဦးမှ ​အမှုအား လက်ခံစစ်​ဆေးသွားမည်ဖြစ်​ကြောင်း အမှုနှင့်ပတ်သက်၍ ထွက်​ပေါ်လာသည့် သတင်းများအရ သိရသည်။

ဇူလိုင် ၂၁ ရက်က ​​နေပြည်​တော်အချုပ်​ထောင်ရှိ အထူးတရားရုံးတွင် မြန်မာနိုင်ငံအစိုးရလျှို့ဝှက်ချက်များ အက်ဥပဒေပုဒ်မ ၃(၁)(ဂ)ဖြင့် တရားစွဲဆိုခြင်းခံထားရသည့် အတိုင်ပင်ခံပုဂ္ဂိုလ်​​ဟောင်း ဒေါ်အောင်ဆန်းစုကြည်၊ စီမံ/ဘဏ္ဍာဝန်ကြီးဟောင်း ဦးကျော်ဝင်းနှင့် ဒုတိယဝန်ကြီးဟောင်း ဦးဆက်အောင်၊ သြစတြေးလျနိုင်ငံသား မစ္စတာရှောင်တာနယ်တို့ကို ရုံးထုတ်ခဲ့​သော်လည်း ဝန်ကြီး​ဟောင်း ဦးစိုးဝင်းသည် ကျန်းမာ​ရေးအရ အာမခံရရှိထားခြင်း​ကြောင့် ရုံး​ရှေ့သို့ လာ​ရောက်ခဲ့ခြင်းရှိ၊ မရှိ သိရှိရခြင်း မရှိ​ပေ။

အထက်ပါအမှုနှင့်ပတ်သက်၍ ယခင်က တာဝန်ယူ စစ်​ဆေး​ခဲ့သည့် ဒက္ခိဏခရိုင်တရားသူကြီးသည် ကျန်းမာ​ရေးအရ ခွင့်ယူထားသည့်အတွက် တရားသူကြီး အသစ်တစ်ဦးမှ အမှုအား လက်ခံစစ်​ဆေးသွားမည်ဖြစ်​ကြောင်း သိရသည်။​

ပြီးခဲ့သည် ရုံးချိန်းများက ခရိုင်တရားသူကြီး ကျန်းမာ​ရေးအရ ခွင့်ယူထားခြင်း​ကြောင့် အမှုအား စစ်​​ဆေးခြင်းမရှိဘဲ ရုံးချိန်းသာ ပြန်လည်ချိန်းဆို​​နေ​သော်လည်း တရားသူကြီး အသစ်တစ်ဦးအား အစားထိုးလိုက်ခြင်း​ကြောင့် လာမည့်ရုံးချိန်းမှစတင်၍ အမှုအား ဆက်လက် စစ်​ဆေးသွားမည်ဖြစ်​ကြောင်း သိရသည်။

ယင်းအမှုတွင် သြစတြေးလျနိုင်ငံသား မစ္စတာ ရှောင်တာနယ်တို့ မူရင်းစွဲဆိုထားသည် မြန်မာနိုင်ငံ အစိုးရလျှို့ဝှက်ချက်များ အက်ဥပဒေပုဒ်မ ၃(၁)(ဂ)ဖြင့် စွဲချက်တင်ထားပြီး ​ဒေါ်​အောင်ဆန်းစုကြည်နှင့် ဝန်ကြီး​ဟောင်း သုံးဦးအား ပုဒ်မ ၃(၁)(ဂ)/၉ ဖြင့် စွဲချက်ထားကြောင်းနှင့် ယ​နေ့ရုံးချိန်းတွင် စစ်​ဆေးရန် ကျန်ရှိ​နေ​သော ပြန်​ခေါ်သက်​သေ ရဲအရာရှိကြီးတစ်ဦးအား စစ်​ဆေးရန် ချိန်းဆိုထားခြင်းဖြစ်​ကြောင်း သိရသည်။

ဒေါ်အောင်ဆန်းစုကြည်၊ စီမံ/ဘဏ္ဍာဝန်ကြီးဟောင်း ဦးကျော်ဝင်းနှင့် ဦးစိုးဝင်း၊ ဒုတိယဝန်ကြီးဟောင်း ဦးဆက်အောင် နှင့် သြစတြေးလျနိုင်ငံသား မစ္စတာ ရှောင်တာနယ်တို့ကို ရဲမှူး​အောင်မျိုးလွင်က တရားလိုပြုလုပ်၍ မြန်မာနိုင်ငံအစိုးရ လျှို့ဝှက်ချက်များ အက်ဥပဒေ ပုဒ်မ ၃(၁)(ဂ)ဖြင့် တရားစွဲဆိုထားခြင်းဖြစ်ပြီး ပုဒ်မ ၃(၁)(ဂ)/၉ သည် အား​ပေးကူညီမှုဖြစ်​ကြောင်း သိရသည်။

မြန်မာနိုင်ငံအစိုးရ လျှို့ဝှက်ချက်များ အက်ဥပဒေ ပုဒ်မ ၃(၁)(ဂ)ဖြင့် တရားစွဲဆိုခြင်း ခံထားရသည့် ဒေါ်အောင်ဆန်းစုကြည်၊ စီမံ/ဘဏ္ဍာဝန်ကြီးဟောင်း ဦးကျော်ဝင်းနှင့် ဦးစိုးဝင်း၊ ဒုတိယဝန်ကြီးဟောင်း ဦးဆက်အောင် နှင့် သြစတြေးလျနိုင်ငံသား မစ္စတာ ရှောင်တာနယ်တို့ကို ​ဇူလိုင် ၂၈ ရက်တွင် ထပ်မံရုံးထုတ်စစ်​ဆေးရန် ချိန်းဆိုထား​ကြောင်း သိရသည်။

မြန်မာနိုင်ငံအစိုးရ လျှို့ဝှက်ချက်များ အက်ဥပဒေပုဒ်မ ၃(၁)တွင် " မည်သူမဆို နိုင်ငံ​တော်လုံခြုံ​ရေးကိုဖြစ်​စေ၊ နိုင်ငံအကျိုးကိုဖြစ်​စေ ထိခိုက်​စေ​သော ရည်ရွက်ချက်ဖြင့်" ဟု ​ဖော်ပြထားပြီး ပုဒ်မ(ဂ)တွင် "ရန်သူအား တိုက်ရိုက်ဖြစ်စေ၊ သွယ်ဝိုက်၍ဖြစ်စေ အသုံးဝင်စေရန် ကြံရွယ်၍ အစိုးရ လျှို့ဝှက်သ​င်္ကေ​တ(Code)၊ ကင်းစကားဝှက်(Password)၊ ပုံကြမ်း၊ အစီအစဉ်၊ နမူနာပုံစံ၊ ​ဆောင်းပါး၊ မှတ်စု သို့မဟုတ် အခြားစာရွက်စာတမ်း အမှတ်အသား သို့မဟုတ် သတင်းကို ရယူခြင်း၊ စု​ဆောင်းခြင်း၊ ​ရေးမှတ်ခြင်းပြုလျှင် သို့မဟုတ် သူတစ်ပါးဆက်သွယ်သိရှိ​စေလျှင် လည်း​ကောင်း"၊ " ထိုပြစ်မှုသည် တပ်​မတော်လုပ်ငန်း၊ လက်နက်တိုက်၊ ကြည်းတပ်၊ ​ရေတပ်၊ ​လေတပ် တည်ရှိရာ၊ ချထားရာ​နေရာတစ်ခုခု၊ ကြည်းတပ်၊ ​ရေတပ်၊ ​လေတပ်ဆိုင်ရာ မိုင်း၊ မိုင်းတွင်း၊ အလုပ်ရုံ၊ သ​​​င်္ဘောကျင်း၊ စခန်း၊ သ​​င်္ဘောနှင့် ​လေယာဉ်တစ်ခုခုနှင့်သက်ဆိုင်လျှင် ​ထောင်ဒဏ် ၁၄ နှစ် ချမှတ်ခြင်း ခံရမည်။ အခြားပြစ်မှုနှင့် သက်ဆိုင်လျှင် ​ထောင်ဒဏ် သုံးနှစ်အထိ ချမှတ်ခြင်း ခံရမည်" ဟု ပြဌာန်းထား​ကြောင်း သိရသည်။