Photo: Getty Images
အင်္ဂါနေ့ညက ပြုလုပ်ခဲ့သည့် PSG အသင်း၏ ရန်ပုံငွေလေလံပွဲတွင် ဘရာဇီးလ်တိုက်စစ်မှူး နေမာ PSG အသင်းအတွက် ပထမဆုံးပွဲဦးထွက်ဝတ်ဆင်ခဲ့သည့် အင်္ကျီကို ယူရို(၂၄၀၀၀၀)ဖြင့် လေလံတင်ရောင်းချနိုင်ခဲ့ကြောင်း သိရှိရသည်။
PSG အသင်းသည် ကလေးများနှင့် လူငယ်များကို ကူညီထောက်ပံ့ရန် ၂၀၀၀ ခုနှစ်မှစ၍ လေလံပွဲပြုလုပ်ကာ ရန်ပုံငွေရှာဖွေခဲ့ခြင်းဖြစ်ပြီး ပြီးခဲ့သည့်နှစ်က ယူရို(၁)သန်းရရှိခဲ့သည်။
Photo: PSG
ယခုနှစ်တွင် ယူရို(၁.၆၄၅)သန်းရရှိခဲ့ပြီး လေလံကြေးအများဆုံးရရှိခဲ့သည်မှာ ယူရို(၅၅၀၀၀၀)ရရှိခဲ့သော PSG အင်္ကျီဝတ်ဆင်ထားသည့် ကင်းကောင်ရုပ်ဖြစ်ကြောင်းလည်း သိရှိရသည်။
အဆိုပါကင်းကောင်ရုပ်ကို နေမာနှင့် ဘာပေတို့ လေလံအပြိုင်ဆွဲခဲ့ကြပြီး ဘာပေက အနိုင်ရရှိခဲ့ခြင်းဖြစ်ကြောင်းလည်း သိရှိရသည်။
နေမာသည် ပထမဆုံးဝတ်ဆင်ခဲ့သည့် အဝါရောင် PSG အသင်းအင်္ကျီကို ယူရို(၂၄၀၀၀၀)ဖြင့် ရောင်းချနိုင်ခဲ့သည့်အပြင် ပြီးခဲ့သည့်ရက်ပိုင်းအတွင်းက ရရှိခဲ့သော ပြင်သစ်လိဂ်အကောင်းဆုံးဆုတံဆိပ်ကိုလည်း ယင်းတန်ဖိုးအတိုင်းပင် လေလံတင်ရောင်းချနိုင်ခဲ့သည်။
