<

မြန်မာနိုင်ငံမှ ဘင်္ဂလားဒေ့ရ်ှနိုင်ငံသို့ အလုံးအရင်းဖြင့် ထွက်ပြေးလာသည့် ဘင်္ဂါလီများကို နိုင်နိုင်နင်းနင်း ကိုင်တွယ်ဖြေရှင်းနိုင်ရန် ကုလသမဂ္ဂ အေဂျင်စီများ ရန်ပုံငွေများ ပိုမိုရှာဖွေ

မြန်မာနိုင်ငံမှ ဘင်္ဂလားဒေ့ရ်ှနိုင်ငံသို့ အလုံးအရင်းဖြင့် ထွက်ပြေးလာသူများကို နိုင်နိုင်နင်းနင်း ကိုင်တွယ်ဖြေရှင်းနိုင်ရန် ကုလသမဂ္ဂ အေဂျင်စီများသည် ရန်ပုံငွေများ ပိုမိုရှာဖွေနေကြောင်း ကုလသမဂ္ဂ၏ အောက်တိုဘာ ၆ ရက်က ထုတ်ပြန်ချက်အရ သိရသည်။

ကုလသမဂ္ဂ အရေးပေါ်ကယ်ဆယ်ရေး ညှိနှိုင်းရေးမှူး မက်လိုကော့က မြန်မာနိုင်ငံမှ ဘင်္ဂလားဒေ့ရ်ှနိုင်ငံသို့ ပြီးခဲ့သည့် သီတင်းပတ်များအတွင်း ရောက်ရှိလာသည့် လူငါးသိန်းကျော်သည် နိုင်ငံတကာ အသိုင်းအ၀ိုင်း၏ အကူအညီကို လိုအပ်နေကြောင်း ဂျီနီဗာမြို့တွင် သတင်းထောက်များအား အောက်တိုဘာ ၆ ရက်က ပြောကြားခဲ့သည်။

ကုလသမဂ္ဂ လူသားချင်းစာနာထောက်ထားမှုဆိုင်ရာရုံး အကြီးအကဲလည်းဖြစ်သူ မက်လိုကော့က လာမည့်လများအတွက် ဒေါ်လာ ၄၃၄ သန်း လိုအပ်မည်ဖြစ်ကြောင်း ပြောကြားခဲ့သည်။

ARSA ဘင်္ဂါလီအစွန်းရောက် အကြမ်းဖက်သမားများ၏ တိုက်ခိုက်ဖျက်ဆီးမှုကို တုံ့ပြန်သည့် မြန်မာတပ်မတော်၏ နယ်မြေရှင်းလင်းရေး ဆောင်ရွက်မှုကြောင့် သြဂုတ် ၂၅ ရက်နောက်ပိုင်း ဘင်္ဂလားဒေ့ရ်ှနိုင်ငံဘက်သို့ ထွက်ပြေးသွားသည့် ဘင်္ဂါလီဒုက္ခသည်ဦးရေသည် ငါးသိန်းကျော်ရှိသွားပြီဖြစ်ကြောင်း ကုလသမဂ္ဂက ပြောကြားထားသည်။

ထွက်ပြေးသွားသည့် ဘင်္ဂါလီများသည် ဘင်္ဂလားဒေ့ရ်ှနယ်စပ် ကော့ဘဇားမြို့တစ်ဝိုက်ရှိ ဒုက္ခသည်စခန်းများတွင် နေထိုင်နေကြသည်။

ဘင်္ဂလားဒေ့ရ်ှနှင့် လူသားချင်းစာနာထောက်ထားမှုဆိုင်ရာ အကူအညီပေးရေးအဖွဲ့များသည် သြဂုတ် ၂၅ ရက်နောက်ပိုင်း ရောက်ရှိလာသော ဘင်္ဂါလီများကို ကူညီရန်အတွက် ရုန်းကန်နေရသည်။

ဘင်္ဂါလီ မွတ်စလင်ဒုက္ခသည်များအနက် ထက်ဝက်ကျော်သည် ကလေးများဖြစ်ကြပြီး ကိုယ်ဝန်ဆောင်အမျိုးသမီး ၂၄၀၀၀ ခန့်သည် စောင့်ရှောက်မှုများ လိုအပ်နေကြောင်း ကယ်ဆယ်ရေး အစီအစဉ်များတွင် ဖော်ပြထားသည်။

ဧရာမကူညီပေးရေးလုပ်ငန်း လိုအပ်နေပြီး ရေရရှိရေးနှင့် သန့်ရှင်းရေးတို့ကို ချက်ချင်းမဆောင်ရွက်ပါက ရောဂါဘယဖြစ်ပွားမှုများ ရှိလာမည်ဟု ၎င်းတို့က ပြောကြားထားသည်။

အလားတူ မြန်မာနိုင်ငံအခြေစိုက် သံရုံးများမှ သံတမန်များနှင့် ကုလသမဂ္ဂ အဖွဲ့အစည်းများမှ အကြီးအကဲများသည် ရခိုင်ပြည်နယ် မောင်တောဒေသသို့ အောက်တိုဘာ ၂ ရက်က သွားရောက်လေ့လာခဲ့ကြသည်။

ခရီးစဉ်တွင်ပါလာသည့် ကုလသမဂ္ဂ တာဝန်ရှိများက ခရီးစဉ်နှင့်ပတ်သက်သည့် ၎င်းတို့၏သဘောထားကို ထုတ်ပြန်ခဲ့ရာ ထုတ်ပြန်ချက်တွင် ရခိုင်ပြည်နယ်တွင် ဖြစ်ပွားခဲ့သည့် ထိခိုက်ခံစားရမှုများသည် မတွေးနိုင်လောက်အောင် အလွန်ကြီးမားကြောင်း၊ ယခုလေ့လာရေးခရီးစဉ်သည် အပြုသဘောဆောင်သည့် ခြေလှမ်းတစ်ရပ်ဖြစ်ပြီး လူသားချင်း စာနာထောက်ထားမှု အကူအညီများပေးနိုင်ရေးအတွက် ပိုမိုကျယ်ပြန့်စွာခွင့်ပြုပေးရန် လိုအပ်ကြောင်း ပြောကြားခဲ့သည်။ ထို့ပြင် ဒုက္ခသည်များ ၎င်းတို့၏ မူလနေရာများသို့ ဘေးကင်းစွာ၊ ဆန္ဒအလျောက်၊ ဂုဏ်သိက္ခာရှိရှိနှင့် စဉ်ဆက်မပြတ် ပြန်လာနိုင်ရန်အတွက် လုပ်ဆောင်ရန်လည်း တိုက်တွန်းခဲ့သည်။ ရခိုင်ပြည်နယ်တွင် ထိခိုက်ခံစားခဲ့ရသူများ အားလုံးအတွက် အလွန်အမင်းဝမ်းနည်းမိကြောင်း ပြောကြားခဲ့ပြီး အကြမ်းဖက်မှုသံသရာ အဆုံးသတ်ရန်လည်း တိုက်တွန်းခဲ့သည်။

ခရီးစဉ်တွင်ပါဝင်သည့် သံအမတ်ကြီး အယောက် ၂၀ ကလည်း ကြေညာချက် ထုတ်ပြန်ခဲ့ရာ ကြေညာချက်တွင် “ကျွန်ုပ်တို့ ခရီးစဉ်အတွင်း လူသားချင်းစာနာထောက်ထားရေးဆိုင်ရာ အကူအညီများ အလွန်အမင်း လိုအပ်လျက်ရှိကြောင်း တွေ့ရှိခဲ့ရပါသည်။ ရခိုင်ပြည်နယ်မြောက်ပိုင်းသို့ လူသားချင်းစာနာထောက်ထားမှုဆိုင်ရာ အကူအညီများ အတားအဆီးမရှိ ၀င်ရောက်နိုင်ရေးနှင့် ရခိုင်ပြည်နယ်တစ်ဝန်း အသက်ကယ်ဝန်ဆောင်မှုများ ခွဲခြားမှုမရှိ ပြန်လည်စတင်နိုင်ရေးအတွက် ကျွန်ုပ်တို့ ထပ်မံတောင်းဆိုအပ်ပါသည်” ဟု ထည့်သွင်းဖော်ပြခဲ့သည်။

October 7, 2017














Copy Protected by Chetan's WP-Copyprotect.