<

တရုတ်က တောင်အာဖရိကတွင် ဒေါ်လာ ၁၄ ဘီလျံ ရင်းနှီးမြှုပ်နှံမည်

ဇူလိုင် ၂၄ ရက်က ပရီတိုးရီးယားရှိ ပြပွဲတစ်ခုသို့ ရောက်ရှိနေသော တရုတ်သမ္မတရှီကျင်ပင်း (၀ဲ)နှင့် တောင်အာဖရိကသမ္မတ ရာမာဖိုဆာ(ယာ) တုိ့ကို တွေ့ရစဉ် (Photo: AFP)

တောင်အာဖရိကသမ္မတ ဆိုင်ရီရာမာဖိုဆာသည် မြို့တော်ပရီတိုးရီးယားတွင် တရုတ်သမ္မတရှီကျင်ပင်းနှင့် တွေ့ဆုံပြီးနောက် တရုတ်သည် ၎င်းတို့နိုင်ငံတွင် ဒေါ်လာ ၁၄ ဘီလျံဖိုး ရင်းနှီးမြှုပ်နှံလိမ့်မည်ဟု ဇူလိုင် ၂၄ ရက်တွင် ကြေညာခဲ့သည်။ ရှီနှင့် ရာမာဖိုဆာတို့သည် တောင်အာဖရိကတွင် ကျင်းပမည့် BRICS ထိပ်သီးအစည်းအဝေးမတိုင်မီ တစ်ရက်အလိုတွင် တွေ့ခဲ့ကြခြင်းဖြစ်သည်။

သမ္မတဟောင်း ဂျက်ကော့ဇူးမားသည် ခြစားမှုအရှုပ်တော်ပုံများ၊ စီးပွားရေးတိုးတက်မှု နည်းပါးခြင်း၊ အလုပ်လက်မဲ့နှုန်း စံချိန်တင် မြင့်တက်မှုတို့ဖြင့် ကြီးစိုးနေသော ၎င်း၏ကိုးနှစ်တာ အာဏာသက်တမ်းကို အဆုံးသတ်ခဲ့ရပြီးနောက် ရာမာဖိုဆာသည် တောင်အာဖရိက၏ စီးပွားရေးကို ပြန်လည်ရှင်သန်စေကာ ရင်းနှီးမြှုပ်နှံသူများကို ဖိတ်ခေါ်မည်ဟု ကတိပေးပြီး ဖေဖော်ဝါရီလက သမ္မတဖြစ်လာသူ ဖြစ်သည်။

“ကျွန်တော်တို့ဟာ နှစ်နိုင်ငံ ဆက်ဆံရေးကို ပိုမိုနက်ရှိုင်းစေမယ့် သဘောတူညီချက်တွေ၊ နားလည်မှုစာချွန်လွှာတွေမှာ လက်မှတ်ရေးထိုးခဲ့ကြပါတယ်။ အဲဒီထဲမှာ ဒေါ်လာ ၁၄ ဘီလျံတန်ဖိုးရှိတဲ့ ရင်းနှီးမြှုပ်နှံမှုဆိုင်ရာ ကတိက၀တ်များလည်း ပါဝင်ပါတယ်” ဟု ရာမာဖိုဆာကရှီ၏ နံဘေး၌ ရပ်နေစဉ် ပြောကြားခဲ့သည်။

“ကျွန်တော်တို့ နှစ်နိုင်ငံရဲ့ ကုန်သွယ်ရေးဟာ ဖြစ်လာနိုင်တဲ့ အတိုင်းအတာကို မရောက်သေးပါဘူး” ဟု ရာမာဖိုဆာက ပြောကြားခဲ့ပြီး တရုတ်၏ ယခုရင်းနှီးမြှုပ်နှံမှုများသည် အခြေခံအဆောက်အအုံ၊ စိုက်ပျိုးရေးနှင့် နည်းပညာတို့အပေါ်တွင် အခြေခံလိမ့်မည်ဟု ဆိုသည်။

သမ္မတရှီသည် ဇူလိုင် ၂၅ ရက်တွင် စတင်ကျင်းပမည့် BRICS ထိပ်သီးအစည်းအဝေးမတိုင်မီ တောင်အာဖရိကသို့ ရောက်ရှိခဲ့သည်။ ဘရာဇီး၊ ရုရှား၊ အိန္ဒိယ၊ တရုတ်၊ တောင်အာဖရိကနိုင်ငံတို့ ပါဝင်သော BRICS ဆိုသည်မှာ ပေါ်ထွန်းစ စီးပွားရေးအင်အားကြီးနိုင်ငံများ ပေါင်းစည်းထားသည့် အဖွဲ့အစည်းတစ်ခုဖြစ်သည်။

“တရုတ်ဟာ တောင်အာဖရိကမှ သွင်းကုန်တွေ ပိုမိုတိုးချဲ့ဖို့ တက်တက်ကြွကြွ လုပ်ဆောင်သွားမှာ ဖြစ်ပါတယ်။ တစ်ချိန်တည်းမှာပဲ တောင်အာဖရိက အစိုးရကိုလည်း ပံ့ပိုးသွားမှာပါ” ဟု ရှီကျင်ပင်းက ဆိုသည်။

ဇူလိုင် ၂၄ ရက်က ရေးထိုးခဲ့သည့် သဘောတူညီချက်များထဲတွင် တောင်အာဖရိကနိုင်ငံပိုင် စွမ်းအင်ကုမ္ပဏီ Eskom သို့ ဒေါ်လာ ၂ ဒသမ ၅ ဘီလျံ ချေးငွေထုတ်ပေးခြင်းလည်း ပါဝင်သည်။ ကြီးမားလှသော ကြွေးမြီဝန်ထုပ်ဝန်ပိုးကြီး ပိနေသော Eskom သည် ဇူးမား၏အစိုးရအဖွဲ့ ပါဝင်နေသော ခြစားမှုစွပ်စွဲချက်များနှင့်လည်း ပတ်သက်မှုရှိနေသည့် လုပ်ငန်း ဖြစ်သည်။

ရှီကျင်ပင်းသည် ဇူလိုင် ၂၁ ရက်က ဆီနီဂေါနိုင်ငံခရီးစဉ်တွင်လည်း အာဖရိကတိုက်နှင့် စီးပွားရေးဆက်ဆံမှု ပိုမိုခိုင်မာလာစေရန် လုပ်ဆောင်သွားမည် ကတိပြုခဲ့သည်။ သို့သော် ဝေဖန်သူများကမူ သတ္တုနှင့် ဆောက်လုပ်ရေးလုပ်ငန်းကြီးများ လုပ်ပိုင်ခွင့်ရရှိရန် မျှော်ကိုးပြီး တရုတ်က ထုတ်ချေးထားသော ချေးငွေများကြောင့် အာဖရိကသည် တရုတ်ကြွေးမြီနွံထဲတွင် နစ်နေပြီဟု ပြောနေကြသည်။

Ref: AFP

July 25, 2018














Copy Protected by Chetan's WP-Copyprotect.