w သီလ၀ါဆိပ်ကမ်းရှိ ဂျပန်အိုဒီအေချေးငွေဖြင့် တည်ဆောက်နေသည့် ကုန်သေတ္တာနှင့် အထွေထွေ ကုန်တင်ဆိပ်ကမ်း၌ ၂၀၁၉ နှစ်ဆန်းပိုင်းတွင် သင်္ဘောများ စတင်ဆိုက်ကပ်နိုင်မည် - Eleven Media Group <

သီလ၀ါဆိပ်ကမ်းရှိ ဂျပန်အိုဒီအေချေးငွေဖြင့် တည်ဆောက်နေသည့် ကုန်သေတ္တာနှင့် အထွေထွေ ကုန်တင်ဆိပ်ကမ်း၌ ၂၀၁၉ နှစ်ဆန်းပိုင်းတွင် သင်္ဘောများ စတင်ဆိုက်ကပ်နိုင်မည်

ရန်ကုန်မြို့၏ ကုန်းတွင်းဆိပ်ကမ်း တစ်ခုတွင် ဆိပ်ကမ်းလုပ်ငန်းများ ဆောင်ရွက်နေစဉ်

သီလ၀ါဆိပ်ကမ်းရှိ ဂျပန်အိုဒီအေ ချေးငွေဖြင့် တည်ဆောက်နေသည့် ကုန်သေတ္တာနှင့် အထွေထွေ ကုန်တင်ဆိပ်ကမ်း၌ ၂၀၁၉ နှစ်ဆန်းပိုင်းတွင် သင်္ဘောများ စတင်ဆိုက်ကပ်နိုင်မည် ဖြစ်ကြောင်း သတင်းရရှိသည်။

သီလ၀ါဆိပ်ကမ်းရှိ မြန်မာ့ဆိပ်ကမ်း အာဏာပိုင် မြေကွက် ၂၅၊ ၂၆ ၌ ဂျပန်နိုင်ငံ၏ အိုဒီအေ ချေးငွေဖြင့် တည်ဆောက်နေသည့် ဆိပ်ကမ်းတည်ဆောက်ရေး လုပ်ငန်းများ လာမည့်ဒီဇင်ဘာတွင် ပြီးစီးနိုင်မည်ဖြစ်ကြောင်း မြန်မာ့ဆိပ်ကမ်း အာဏာပိုင်မှ သတင်းရရှိသည်။

“လက်ရှိသီလ၀ါဒေသ မြေကွက် ၂၅ နဲ့ ၂၆ ပေါ်မှာ ဆောင်ရွက်နေတဲ့ ဆိပ်ကမ်းတည်ဆောက်ရေး စီမံကိန်းတွေကို ၂၀၁၈ ခုနှစ် ဒီဇင်ဘာမှာ စီမံကိန်း လုပ်ငန်းတွေ ပြီးစီးပြီး ၂၀၁၉ နှစ်ဆန်းပိုင်းမှာ သင်္ဘောဆိုက်ကပ်မှုတွေ လက်ခံနိုင်မယ်လို့ ခန့်မှန်းထားတယ်။ ပြီးတာနဲ့ ကျန်တဲ့ မြေကွက်၂၂၊ ၂၃ နဲ့ ၂၄ ပေါ်မှာ ဆိပ်ကမ်းသစ်တွေ တည်ဆောက်တာကို ဆက်ပြီးလုပ်သွားမယ်။ နောက်ပိုင်းမှာ ဆိပ်ကမ်းသုံး ယန္တရားတွေ တပ်ဆင်ပြီးတာနဲ့ တစ်နှစ်ကို TEU တစ်သန်းလောက်အထိ ကုန်တင်ကုန်ချ  ပြုလုပ်နိုင်တဲ့ ဆိပ်ကမ်းဖြစ်လာ အောင် ဆောင်ရွက်သွားမယ်။ ဒါမှ နိုင်ငံရဲ့ သွင်းကုန်ပို့ကုန် တင်ပို့မှု တိုးတက်လာရင် သီလ၀ါမှာ အဆင်သင့် လက်ခံနိုင်အောင်ပါ” ဟု ပို့ဆောင်ရေးနှင့် ဆက်သွယ်ရေး ၀န်ကြီးဌာန ပြည်ထောင်စုဝန်ကြီး ဦးသန့်စင်မောင်က ပြောကြားသည်။

သီလ၀ါဆိပ်ကမ်းဒေသရှိ မြန်မာ့ဆိပ်ကမ်း အာဏာပိုင် မြေကွက်အမှတ် ၂၅ နှင့် ၂၆ တွင် ဂျပန်နိုင်ငံ၏ အိုဒီအေချေးငွေဖြင့် ဆောင်ရွက်နေသည့် ဆိပ်ကမ်းတည်ဆောက်မှုတွင် ဆိပ်ခံတံတား တည်ဆောက်ခြင်း၊ နောက်ခံမြေပေါ်တွင် ဆိပ်ကမ်းဆိုင်ရာ အဆောက်အအုံများ တည်ဆောက်ခြင်းတို့ ပါဝင်ပြီး စီမံကိန်း ပထမအဆင့် လုပ်ငန်းများ ဆောင်ရွက်နေကြောင်း သိရသည်။

ရန်ကုန်တိုင်း ကျောက်တန်းမြို့နယ် သီလ၀ါဒေသတွင် ဂျပန်နိုင်ငံ၏ တရားဝင်ဖွံ့ဖြိုးမှု အကူအညီဖြစ်သည့် ဂျပန်ယန်း ၂၃၆၈၀ သန်းဖြင့် တည်ဆောက်နေသည့် ဆိပ်ကမ်းတည်ဆောက်ရေး လုပ်ငန်းများတွင် ၄၀၀ မီတာ x ၄၀ မီတာရှိ ပင်မ တံတား (Steel Jacket Type)၊ ၈၀-၉၀ မီတာ  x ၁၅-၂၀ မီတာရှိ ချဉ်းကပ်တံတားသုံးစင်း၊ ဆိပ်ကမ်းဆိုင်ရာ နောက်ခံမြေ ၃၇ ဧကပေါ်တွင် ဆိပ်ကမ်းဆိုင်ရာ အဆောက်အအုံများ တည်ဆောက်ခြင်း၊ ကုန်ကိုင်တွယ် စက်ကိရိယာများဖြစ်သည့်  Quay Crane နှစ်စင်း၊ RTG ခြောက်စင်း၊ Reach Stacker သုံးစင်း၊ Trailer ခြောက်စင်းနှင့် Chassis ခြောက်စင်းအား ၀ယ်ယူတပ်ဆင်ခြင်းတို့ ပါဝင်ကြောင်း သိရသည်။

စီမံကိန်း တည်ဆောက်ရေး ကာလမှာ ၂၀၁၆ ခုနှစ် ဇွန်တွင် စီမံကိန်းလုပ်ငန်းများ စတင်အကောင်အထည်ဖော် ဆောင်ရွက်ခဲ့ပြီး ၂၀၁၈ ခုနှစ် ဒီဇင်ဘာတွင် စီမံကိန်းလုပ်ငန်းများ ပြီးစီးမည်ဖြစ်သည်။

 

May 27, 2018














Copy Protected by Chetan's WP-Copyprotect.