မန္တလေးမြို့၊ အောင်မြေသာစံမြို့နယ်တွင် Drop bomb ကျရောက်ပေါက်ကွဲမှုကြောင့် လူနေအိမ်တစ်လုံး ပျက်စီးမှု စက်တင်ဘာလ ၅ ရက် ည ၁၂နာရီခန့်က ဖြစ်ပွားခဲ့ကြောင်း သတင်းရရှိသည်။
အောင်မြသာစံမြို့နယ်၊ ပြည်ကြီးရန်လုံရပ်ကွက် ၁၄ လမ်း၊ ၈၆လမ်း နှင့် ၈၇ လမ်းကြားရှိ ဖျော်ရည်လုပ်ငန်း လုပ်ကိုင်သည့် နေအိမ်၏ အိမ်ခြံဝန်းနီးသို့ ည၁၂နာရီခန့်က Drop bomb တစ်လုံးကျရောက် ပေါက်ကွဲခဲ့ခြင်း ဖြစ်သည်။
အဆိုပါ ပေါက်ကွဲမှုကြောင့် လူထိခိုက်ဒဏ်ရာရရှိမှု မရှိသော်လည်း အနီးရှိအိမ်မှာ အနည်းငယ် ထိခိုက်ပျက်စီးခဲ့သည်ဟု သိရသည်။
စက်တင်ဘာ ၃ ရက် နံနက်လေးနာရီခန့်ကလည်း အောင်မြေသာစံမြို့နယ် ၊၇၈လမ်းနှင့် ၇၉လမ်းကြား ၊လမ်း၈၀ ၊ ၁ဝလမ်း ၊၁၁လမ်းနှင့် ၁၂လမ်းကြားရှိ နေအိမ်များအသီးသီးသို့ ရှော့တိုက်ဒုံးများ ကျရောက်ပေါက်ကွဲမှုများ ဖြစ်ပွားခဲ့ပြီး ထိခိုက်ပျက်စီး မှုများရှိခဲ့ကာ လူတစ်ဦး ဒဏ်ရာရရှိခဲ့သည်။
