၂၀၂၄ နွေရာသီအပြောင်းအရွှေ့ကာလက အဆုံးသတ်ခဲ့ပြီ။ ကစားသမားများစွာရဲ့ အပြောင်းအရွှေ့အတော်များများကိုလည်း မြင်ခဲ့ရပြီး ဥရောပထိပ်သီးအသင်းတွေရဲ့ အားဖြည့်မှုတွေကလည်း စိတ်ဝင်စားစရာကောင်းခဲ့ပါတယ်။ ဒီလိုအချိန်မှာ နောက်ထပ်စိတ်ဝင်စားစရာ အကြောင်းအရာတစ်ခုလည်း ရှိပါသေးတယ်။ အဲဒါကတော့ အသင်းလက်မဲ့ဖြစ်နေတဲ့ ကစားသမားတွေဖြစ်ပြီး ဈေးကွက်ထဲ ကို ကြည့်မယ်ဆိုရင် လက်ရှိအချိန်အထိ ကလပ်လက်မဲ့ဖြစ်နေတဲ့ နာမည်ကြီးကစားသမားများစွာကို မြင်တွေ့ရမှာပါ။ အပြောင်းအရွှေ့ပိတ်ခဲ့ပြီဆိုပေမဲ့ စည်းမျဉ်းအရ ဥရောပကလပ်အသင်းတွေအနေနဲ့ အသင်းလက်မဲ့ဖြစ်နေတဲ့ ကစားသမားတွေကို ခေါ်ယူခွင့်ရရှိနေပါတယ်။ ဒါကြောင့် လက်ရှိအချိန်အထိ ကလပ်လက်မဲ့ဖြစ်နေပြီး အသင်းသစ် ရှာဖွေနေတဲ့ ကစားသမားများစွာကို ဘယ်လို ကလပ်တွေက ခေါ်ယူသွားမလဲဆိုတာ စောင့်ကြည့်ချင်ပါတယ်။