စပါးနဲ့ပတ်သက်ရင် ကျွန်တော်တို့အချိန် အကြာကြီးစွဲမြဲနေတဲ့ စိတ္တဇတစ်ခုရှိတယ်။ ဟာရီကိန်း အစွဲအလမ်း၊ ဆွန်ဟောင်မင်အစွဲ အလမ်းပါပဲ။ နောက်ပိုင်းနှစ်တွေမှာ၊ ပိုချက်တီနိုရဲ့ အထက်မြက်ဆုံး စပါးခေတ်ကာလမှာ ဟာရီကိန်းနဲ့ဆွန်ဟောင်မင်ဟာ ဖယ်ရှားမရနိုင်တဲ့ ရွှေရောင်မျက်နှာဖုံးတွေပဲ။ လက်ရှိရာသီမှာ ဟာရီကိန်းက စပါးကိုစွန့်ခွာသွားတယ်။ ဟာရီကိန်းမရှိမယ့် အနာဂတ်ကို စပါးအသိုင်းအဝိုင်းကြို တွေးထားပါလိမ့်မယ်။ ဒါပေမဲ့ တကယ်တမ်းရင်ဆိုင်ရရင် ဘယ်လောက်ခက်ခဲမလဲဆိုတာ သေချာမသိနိုင်ဘူး။ လက်ရှိရာသီမှာ အဲဒီအတွေးက အကောင်အထည် ပေါ်လာတယ်။ ဟာရီကိန်းမရှိဘဲ စပါးက ကိုယ့်အနာဂတ်ကိုယ် ဖန်ဆင်းရပြီ။ နည်းပြကလည်း ဘယ်သူမှမသိကြတဲ့ သြစတြေးလျသား ပိုစတီဂိုဂလူး၊စပါးအခုလောက် အမြင့်ပျံလိမ့်မယ်ဆိုပြီး ဘယ်သူမှ မတွေးထားကြဘူး။