စိတ်ဝင်စားစရာကောင်းလာတဲ့ အူနိုင်းအမ်မရီနဲ့ အက်စတွန်ဗီလာရဲ့ အမြင့်ပျံခရီး
Photo : Getty Images
နည်းပြ အူနိုင်းအမ်မရီနဲ့ အက်စတွန်ဗီလာရဲ့ အမြင့်ပျံခရီးက စိတ်ဝင်စားစရာကောင်းသထက်ကောင်းလာတယ်။ ပရီးမီးယားလိဂ်အမှတ်ပေးဇယားရဲ့ အဆင့်(၃)နေရာမှာ ရပ်တည်နေပြီး ထိပ်ဆုံးက အာဆင်နယ်နဲ့ (၁)မှတ်အကွာ အနေအထားမှာ ရပ်တည်နေတယ်။ ပရီးမီးယားလိဂ်အိမ်ကွင်း (၁၅)ပွဲဆက် အနိုင်ရတဲ့စံချိန်ကို အူနိုင်းအမ်မရီ ပိုင်ဆိုင်ခဲ့တယ်။ ဒီနှုန်းထားဟာ ပရီးမီးယားလိဂ်သမိုင်းမှာ အက်စတွန်ဗီလာအတွက် အကောင်းဆုံး အိမ်ကွင်းစံချိန်မှတ်တမ်းပဲ။ ဒီရာသီအိမ်ကွင်းပွဲတွေမှာ မန်ချက်စတာစီးတီး၊ အာဆင်နယ်၊ ဘရိုက်တန်လိုအသင်းတွေကို အလဲထိုးအနိုင်ယူခဲ့တယ်။
