ပြီးခဲ့တဲ့ (၁၅)နှစ်လောက်အတွင်းမှာ ဂွါဒီယိုလာဟာ Way of Playing ရဲ့ စွန့်ဦးတီထွင်သူ ဖြစ်ခဲ့တယ်။ ဂွါဒိီယိုလာရဲ့ ဖီလော်ဆော်ဖီဟာ ဘောလုံးယဉ်ကျေးမှုတစ်ခုလုံးကို ပြောင်းလဲပစ်ခဲ့တယ်။ ကမ္ဘာ့အနှံ့ နည်းပြများစွာရဲ့ နှလုံးသားထဲ ဂွါဒီယိုလာရဲ့ အတွေးအခေါ်တွေ ခိုင်မာစွာဖြတ်သန်းစီးဆင်းခဲ့ပါတယ်။ တချို့က ဂွါဒီယိုလာနဲ့အတူ လက်တွဲခွင့်ရပြီး နည်းဗျူဟာဆင့်ကဲတွေးခေါ်ပုံတွေ မိတ္တူကူးနိုင်ခဲ့။ တချို့က ဂွါဒီယိုလာနဲ့ လူချင်းမဆုံပေမဲ့ အတွေးအခေါ်ကို ဆင့်ပွားဖန်ဆင်းနိုင်ခဲ့၊ အဲဒီလိုနည်းပြတွေထဲ ဒီဇယ်ဘီဟာ ဘရိုက်တန်နဲ့အတူ လင်းပလာခဲ့တယ်။