၂၀၂၂-၂၃ ရာသီ ဥရောပထိပ်တန်းလိဂ်ပွဲစဉ်တွေ အရှိန်ရလာချိန်မှာပဲ ချန်ပီယံလိဂ်ပွဲစဉ်တွေက ပရိသတ်ကို ရင်ခုန်စိတ်လှုပ်ရှားမှုတွေထပ်မံပေးစွမ်းဖို့ရောက်ရှိလာခဲ့ပါပြီ။ ဥရောပထိပ်တန်းလိဂ်တွေရဲ့ ချန်ပီယံအသင်းတွေ၊ အမှတ်ပေးဇယားထိပ် ပိုင်းနားက ခေါင်အသင်းတွေရဲ့ အားပြိုင်မှုဖြစ်တာနဲ့အညီ ချန်ပီယံလိဂ်ရဲ့ ပြိုင်ဆိုင်မှုအရှိန်အဟုန်ဟာ ရာသီတိုင်းလိုလို ပြင်းထန်ခဲ့ပြီး၊ ခမ်းနားထည်ဝါတဲ့စံချိန်မှတ်တမ်းများစွာ၊ စိတ်လှုပ်ရှားစရာအကြောင်းအရာများစွာနဲ့အတူ ဘောလုံးပရိသတ်ရဲ့ စိတ်အာရုံကို ပြိုင်ပွဲရဲ့နောက်ဆုံးအချိန်ထိ ဆွဲငင်ညှို့ယူခဲ့တာလည်း အမှန်ပါပဲ။