စီရော်နယ်လ်ဒိုနဲ့ဆုံတွေ့ချိန်မှာ ဂျော်ဂျီနာရိုဒရီဂွက်ဇ်ဟာ မက်ဒရစ်က Gucci ဆိုင်မှာ အရောင်းစာရေးမလေးအဖြစ်ပဲ ရှိပါသေးတယ်။ စီရော်နယ်လ်ဒိုနဲ့ ဆုံတွေ့ပြီးနောက် ဖိတ်ဖိတ်လက်ဘဝ ပိုင်ဆိုင်ခဲ့သလို၊ သာယာကြည်နူးဖွယ်ရာ မိသားစုဘဝကိုလည်း တည်ထောင်ထားနိုင်ပါပြီ။ ဒါပေမဲ့ ဂျော်ဂျီနာရိုဒရီဂွက်ဇ်က အခုအချိန်ဟာ သူမရဲ့ကျော်ကြားမှုဘဝ အစသာရှိသေးပြီး ဆက်လက်အောင်မြင်အောင် ကြိုးစားသွားမယ်လို့ ကြွေးကြော်ထားပါတယ်။ အခုဆိုရင် Netflix က ဂျော်ဂျီနာရိုဒရီဂွက်ဇ်အကြောင်း မှတ်တမ်းဇာတ်လမ်းတို စီစဉ်ရိုက်ကူးထားပြီး Soy Georgina လို့ အမည်ပေးထားပါတယ်။ အဲဒီ မှတ်တမ်းဇာတ်လမ်းတိုကို ဂျော်ဂျီနာရိုဒရီဂွက်ဇ်ရဲ့ အသက် (၂၈)နှစ်ပြည့် မွေးနေ့အမှတ်တရအဖြစ် ဖြန့်ချိသွားမှာလည်းဖြစ်ပါတယ်။