ရီးယဲလ်မက်ဒရစ်အသင်းနည်းပြ ဇီဒန်းက မတ်လ (၁)ရက်တွင် ကစားခဲ့သော လာလီဂါပွဲစဉ်ဖြစ်သည့် ဆိုစီဒက်နှင့် တစ်ဂိုးစီသရေ ကျသောပွဲအပြီး၌ အသင်း၏နည်းဗျူဟာပိုင်း အပြောင်းအလဲမှာ ၎င်းမျှော်လင့်ထားသကဲ့သို့ အောင်မြင်မှုမရရှိခဲ့ကြောင်း ပွဲအပြီးတွင် ပြောကြားခဲ့သည်။
ရီးယဲလ်အသင်းသည် အသင်းကစား ကွက်ကို ၄-၃-၃ ပုံစံဖြင့် ပွဲထုတ်သော်လည်း ပထမပိုင်းပွဲအစ၌ ခံစစ်သုံးယောက်တန်း(Three Backs) ကစားခဲ့ပြီး ရလဒ်အနေဖြင့် ဧည့်သည် ဆိုစီဒက်ဘက်သို့ ဦးဆောင်ဂိုးပေးခဲ့ရခြင်းဖြစ်သည်။
"ကျွန်တော် ဒါ(နည်းဗျူဟာ ပိုင်း)ကို ပြောင်းလဲခဲ့ပါတယ်။ ဘာဖြစ်လို့လဲဆိုတော့ အသင်းရဲ့ Pressing ကို သိပ်မကြိုက်လို့ပါ။ ဒီအခိုက်အတန့်က ၁၀-၁၅ မိနစ်ဝန်းကျင် ကြာမြင့်ခဲ့ပါတယ်။ ပြီးတော့ ဒီအနေအထားကို ကျွန်တော် တစ်ဖန်ပြောင်းလဲခဲ့ပါ တယ်။ ၄-၃-၃ ပုံစံနဲ့ကစားတာမှာ ပိုကောင်းလာခဲ့တယ်။ ကျွန်တော်တို့ရဲ့လူစားဝင်ကစားသမားတွေကလည်း ကွင်းအတွင်းဝင်လာချိန်မှာ ကောင်းကောင်းကစားနိုင်ခဲ့ပါတယ်"ဟု ဇီဒန်းက ပြောကြားခဲ့သည်။
ထို့ပြင် ၎င်းင်းက မတ်လ (၇)ရက်တွင် အက်သလက်တီကိုနှင့်ကစားမည့် မက်ဒရစ်ဒါဘီပွဲ၌ ယခုကစားသည့်ပုံစံအတိုင်း မပြောင်းလဲဘဲ ရင်ဆိုင်သွားမည်ဟုလည်း မှတ်ချက်ပြုခဲ့သည်။
ဆိုစီဒက်နှင့်ပွဲတွင် ပေါ်တူ(၅၅ မိနစ်)သွင်းယူသည့်ဂိုး ကြောင့် ရီးယဲလ်အသင်း နောက်မှလိုက်ကစားခဲ့ရသော်လည်း ဗင်နီစီယပ်စ်က (၈၉) မိနစ်တွင် ချေပဂိုးသွင်းယူခဲ့သည်။
