မန်ယူအသင်း၏ အိုင်ဗရီကို့စ် နောက်ခံလူ အဲရစ်ဘာယီ၏ အေးဂျင့်များသည် တူရကီကလပ် ဖီနာဘာချီ အသင်းသို့ ဆက်သွယ်ပြီး ဘာယီ၏ အပြောင်းအရွှေ့အတွက် ကြိုးပမ်းလျက်ရှိနေကြောင်း သိရှိရသည်။ 

ဘာယီအား တစ်နှစ်အငှားစာချုပ်ဖြင့် ခေါ်ယူနိုင်သည်ဟု ၎င်း၏အေးဂျင့်များက ဖီနာဘာချီအသင်းထံ အသိပေးခဲ့ကြောင်း တူရကီမီဒီယာများက ဖော်ပြခဲ့ကြသည်။

ဘာယီသည် ပြီးခဲ့သည့် ၂၀၁၉-၂၀ ဘောလုံးရာသီတွင် ဒဏ်ရာများဖြင့် ရုန်းကန်ခဲ့ရပြီး အသင်း၏ ပွဲစဉ်များစွာကို လွဲချော်ခဲ့သည်။ 

အကယ်၍ ဖီနာဘာချီအသင်းထံမှ ကမ်းလှမ်းမှုများ ရှိလာပါက မန်ယူနည်းပြ ဆိုးလ်ရှားက လိုလိုလားလားခွင့်ပြု ဖွယ်ရှိကြောင်း သိရှိရသည်။