မိုးရာသီ​ရောက်တိုင်း​ ရေကြီး​ရေလျှံမှု​ကြောင့် ပြည်သူ့များ ဒုက္ခဖြစ်ရ​သော မြဝတီမြို့တွင် သဘာဝ​ဘေး အန္တရာယ်ကျ​ရောက်ပါက  ကြိုတင်ကာကွယ်​ရေးနှင့် ကယ်ဆယ်​ရေးလုပ်ငန်းများ တုန့်ပြန်လုပ်ဆောင်နိုင်ရန် အတွက် ​မေလ ၁၈ ရက်​ နံနက်က မြဝတီမြို့၊အမှတ်(၁) ရပ်ကွက် ၊​ဘောလုံးကွင်း၌ ဇာတ်တိုက်​လေ့ကျင့်မှု ပြုလုပ်ခဲ့ကြောင်း သိရသည်။

ကြိုတင်ကာကွယ်​ရေးနှင့်  တုန့်ပြန်ကယ်ဆယ်​ရေးလုပ်ငန်း ဇာတ်တိုက်​လေ့ကျင့်သည့်အခန်းအနား သိို့ ပြည့်သူ့လွှတ်တော်ကိုယ်စားလှယ် ဦးခင်မောင်ချင်း၊ မြဝတီခရိုင်အုပ်ချုပ်ရေးမှူး ဦးကောင်းစံလင်း၊ မြို့နယ်အုပ်ချုပ်ရေးမှူး ဦးဇော်မော်အောင်၊ မြဝတီ ရှေ့တန်းမှူး ဗိုလ်မှူး ရဲလင်းဌေး၊ မြဝတီခရိုင်ရဲတပ်ဖွဲ့မှူး ဒုတိယရဲမှူးကြီး မိုးကျော်ဟိန်း ၊ စည်ပင်သာယာရေးလက်ထောက်ညွှန်ကြားရေးမှူး ဦးကျော်ကျော်ဦး၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန မြဝတီခရိုင်ဦးစီးမှူး ဦးဉာဏ်မြင့်၊နယ်ခြားစောင့်တပ်(BGF) စည်းကမ်းထိန်းသိမ်းရေးရုံး မှ ဗိုလ်မှူး စောမုန်တိုင်း ဦးဆောင်သော တပ်ဖွဲ့ဝင်များ၊ ဌာနဆိုင်ရာဝန်ထမ်းများ၊ မြဝတီအခြေစိုက် လူမှူကူညီရေးအသင်းအဖွဲ့များ စုံလင်စွာ တက်ရောက်ခဲ့ကြသည်။

မြဝတီခရိုင်၊​ဘေးအန္တရာယ်ဆိုင်ရာ စီမံခန့်ခွဲ​မှုဦးစီးဌာန၊ ဒုတိယညွှန်ကြား​ရေးမှူးဉာဏ်မြင့်က"ဒီက​နေ့ ​မေလ၁၈ ရက်​နေ့ မှာ ​ဆောင်ရွက်ရတဲ့ အခမ်းအနားက​တော့ သဘာဝ​ဘေး အ​ရေး​ပေါ်တုန့်ပြန်​ဆောင်ရွက်​ရေးအတွက် လူ ၊ပစ္စည်း ယန္တရားစုဖွဲ့မှု​ပေါ့၊​နောက်တစ်ခုက​တော့ သဘာဝ​​ဘေးဖြစ်လို့ရှိရင် ရှာဖွယ်ကယ်ဆယ်​ရေး​တွေ ပြုလုပ်ဖို့အတွက် ဇာတ်တိုက်​လေ့ကျင့်ခန်း​ ဆောင်ရွက်တာဖြစ်ပါတယ်။ ကျွန်​တော်တို့ ၂၀၂၃ ​နောက်ပိုင်းမှာ​ရေကြီးတာ​တွေက မြဝ​တီခရိုင်က ခပ်စိပ်စိပ်ဖြစ်လာတယ်။၂၀၂၅ မှာဆိုရင် နှစ်ကြိမ် ​ရေကြီး​ရေလျှံမှု ဖြစ်ခဲ့ပါတယ်၊​ရေကြီးမှု​တွေမှာ ​ဘေးကင်းတဲ့အချိန် ပြည်သူ​တွေအတွက်ကို မြဝတီမှာ ကယ်ဆယ်​ရေးစခန်း ၁၁ခု​ပေါ့ ။လူဦး​ရေ ၄၆၅၀ နားခိုနိုင်မယ့် ဘာသာ​ရေးအ​ဆောက်အဦး​​တွေမှာ ပြင်ဆင်ထားပါတယ်။ရပ်ကွက်၊မြို့နယ်၊ ခရိုင်နဲ့ ကရင်ပြည်နယ်အစိုးအဖွဲ့၊ ခရိုင်သဘာဝ​ဘေးအန္တရာယ်ဆိုင်ရာ စီမံခန့်ခွဲ​ရေးအဖွဲ့ကလည်း ကြီးကြပ်ပြီး​တော့​ဆောင်ရွက်​ပေးလျှက်ရှိ​နေပါတယ်"ဟု ​​ပြောကြားခဲ့သည်။

 မြဝတီခရိုင်စည်ပင်သာယာရေး ၊ဒုတိယ ညွှန်ကြားရေးမှူး ဦးကျော်ကျော်ဦး က ကယ်ဆယ်ရေးစခန်းများသို့ ရောက်ရှိလာသည့် ​ရေဘေးသင့်ပြည်သူများအား ထောက်ပံ့ရေးနှင့် ကျန်းမာ​ရေး​စောင့်​ရှောက်မှု ဆောင်ရွက်ပေး ရမည့် လုပ်ငန်းစ‌ဉ်များကို ရှင်းလင်းပြောကြားခဲ့သည်။

ထို့​နောက် ​ရေပြည့်​ရေလျှံခြင်း သဘာဝ​ဘေး​ကြောင့်  ​သောင်ရင်းမြစ်အတွင်း ​ရေနစ်မြုတ်သူ၊ ဒဏ်ရာရသူများ အား မည်သို့ကယ်ဆယ်ပြီး၊ အ​ရေး​ပေါ်  CBR ပြုလုပ်ကား ​ဆေးရုံသို့ အ​ရေးပေါ်  ပို့​ဆောင်ရခြင်း ဇာတ်တိုက်​လေ့ကျင့်မှုများကို ဌာနဆိုင်ရာ အကြီးအကဲများနှင့် တက်​ရောက်လာသူများက ကြည့်ရှုခဲ့ကြသည်။

မိုးရွာသွန်းခြင်း​ကြောင့် ​သောင်ရင်းမြစ်​ရေ မြင့်တက်ကာ  ရေဘေးအန္တရာယ်ကြုံရပါက ကယ်ဆယ်​ရေး လုပ်ငန်းစဉ်အတွက်  စုရပ် (၅)ခုထားရှိကာ ကယ်ဆယ်ရေးအစီအစဉ်များ ဆောင်ရွက်သွားမည်ဖြစ်​ကြောင်းနှင့်  ​ရေဘေးသင့်ပြည်သူများအား ကယ်ဆယ်ရေးစခန်း (၁၁)ခု ဖွင့်လှစ်ထားရှိကာ  စား​သောက်​ရေး၊ကျန်းမာ​ရေး စ​သော လိုအပ်သည့်ကူညီဆောင်ရွက်မှူများ ပြုလုပ်ထားရှိမည်ဖြစ်​ကြောင်း သိရသည်။