မြန်မာနိုင်ငံတော်ဗဟိုဘဏ် ဥက္ကဋ္ဌအဖြစ် ဒေါက်တာခင်နိုင်ဦးနှင့် ဒုတိယဥက္ကဋ္ဌ၊ ဒါရိုက်တာအဖွဲ့အား ခန့်အပ်ရန် ယနေ့(ဧပြီ ၉ ရက်)တွင် ပြည်ထောင်စုလွှတ်တော် အစည်းအဝေးတွင် သဘောတူအတည်ပြုခဲ့သည်။
နိုင်ငံတော်သမ္မတအဖြစ် ရွေးချယ်တင်မြှောက်ခံထားရသူက အဆိုပြုတင်ပြသော မြန်မာနိုင်ငံတော်ဗဟိုဘဏ် ဥက္ကဋ္ဌ၊ ဒုတိယဥက္ကဋ္ဌနှင့် ဒါရိုက်တာအဖွဲဝင်များအဖြစ် ခန့်အပ်တာဝန်ပေးလိုသည့်ပုဂ္ဂိုလ်များ အမည်စာရင်းကို ဧပြီ ၇ ရက်က ကျင်းပသည့် ပြည်ထောင်စုလွှတ်တော်အစည်းအဝေးတွင် လွှတ်တော်နာယကက ကြေညာခဲ့ခြင်းဖြစ်ပြီး ယနေ့ကျင်းပသည့်ပြည်ထောင်စုလွှတ်တော်အစည်းအဝေးတွင် ကန့်ကွက်ဆွေးနွေးမည့်သူမရှိသဖြင့် လွှတ်တော်ကသဘောတူကြောင်းကြေညာခဲ့ခြင်းဖြစ်သည်။
ပြည်ထာင်စုလွှတ်တော်ကခန့်အပ်ရန် သဘောတူခဲ့သည့် မြန်မာနိုင်ငံတော်ဗဟိုဘဏ်အဖွဲ့ဝင်များမှာ ဗဟိုဘဏ်ဥက္ကဋ္ဌအဖြစ် ဒေါက်တာခင်နိုင်ဦး၊ ဒုတိယဥက္ကဌများအဖြစ် ဦးဇော်မြင့်နိုင်၊ ဦးသက်ထွန်းအောင်၊ ဒေါက်တာစန္ဒာဦးနှင့် ဒါရိုက်တာအဖွဲ့ဝင်များအဖြစ် ဒေါက်တာရီရီအး၊ ဦးတင်မြင့်၊ ဒေါက်တာလှညွန့်၊ ဒေါက်တာဇော်ဦး၊ ဒေါက်တာဖြူဖြူအိတို့ဖြစ်သည်။
ဗဟိုဘဏ်ဥက္ကဋ္ဌအဖြစ် ခန့်အပ်ရန်လွှတ်တော်ကသဘောတူခဲ့သည့် ဒေါက်တာခင်နိုင်ဦးသည် လက်ရှိတွင် ပြည်ထောင်စုစာရင်းစစ်ချုပ်တာဝန် ထမ်းဆောင်နေသူဖြစ်သည်။
