ယူရို-၂၀၂၄ နှင့် ၂၀၂၄ ကိုပါအမေရိကပြိုင်ပွဲ၏ ဆီမီးဖိုင်နယ်အဆင့်၌ ပရီးမီးယားလိဂ်ကစားသမား (၅၆)ဦး ဆက်ရှိနေကြောင်း သိရသည်။
ယူရို-၂၀၂၄ ပြိုင်ပွဲ၏ ဆီမီးဖိုင်နယ်ရောက် အသင်း(၄)သင်းတွင် ပရီးမီးယားလိဂ်ကစားသမား (၃၈)ဦး ရှိနေပြီး ၂၀၂၄ ကိုပါအမေရိကပြိုင်ပွဲ၏ ဆီမီးဖိုင်နယ်ရောက် အသင်း(၄)သင်းတွင် ပရီးမီးယားလိဂ်ကစားသမား (၁၈)ဦးရှိနေကြောင်း သိရသည်။
ယူရို၌ ပရီးမီးယားလိဂ်ကစားသမား အများဆုံးပါဝင်နေသည့်အသင်းမှာ အင်္ဂလန်အသင်းဖြစ်ပြီး ကိုပါအမေရိက၌ ပရီးမီးယားလိဂ်ကစားသမား အများဆုံးပါဝင်နေသည့်အသင်းမှာ အာဂျင်တီးနားအသင်းဖြစ်သည်။
ဆီမီးဖိုင်နယ်ပွဲများကို ဇူလိုင်(၉၊ ၁၀)ရက်များတွင် ယှဉ်ပြိုင်ရမည်ဖြစ်ကြောင်း သိရသည်။