ရှမ်းပြည်နယ် တောင်ပိုင်းတွင် လက်နက်ကိုင်ပဋိပက္ခများကြောင့် စစ်ဘေးရှောင် နေရသည့် ပြည်သူများအနေဖြင့် အရေးပေါ် စားနပ်ရိက္ခာနှင့် အခြေခံကျန်းမာရေးစောင့် ရှောက်မှုများ လိုအပ်နေကြောင်း ပအိုဝ်းလူ ငယ် အစည်းအရုံး (PYO) က သတင်းထုတ် ပြန်သည်။
ပြီးခဲ့သည့် ဇန်နဝါရီ ၂၁ ရက်မှ ဇွန် ၈ ရက် အထိ လေးလကျော်အတွင်း ရှမ်းပြည်နယ် တောင်ပိုင်း ဆီဆိုင်မြို့နယ်၊ ညောင်ရွှေမြို့ နယ်၊ ဟိုပုံးမြို့နယ်နှင့် ပင်လောင်းမြို့နယ် တို့တွင် တိုက်ပွဲများဖြစ်ပွားသည့်အခြေအနေ များကို စစ်တမ်းကောက်ယူပြီး ပအိုဝ်းလူငယ် အစည်းအရုံး (PYO) က ထုတ်ပြန်ရာ၌ အ ထက်ပါအချက်ကို ထည့်သွင်းဖော်ပြထား ခြင်းလည်း ဖြစ်သည်။
ရှမ်းပြည်နယ် တောင်ပိုင်း လက်နက် ကိုင်ပဋိပက္ခများကြောင့် ဆီဆိုင်၊ ညောင်ရွှေ နှင့် ပင်လောင်းမြို့နယ်တို့တွင် စစ်ဘေးတိမ်း ရှောင်နေရဆဲဖြစ်ပြီး လက်ရှိတွင် စစ်ဘေး တိမ်းရှောင်နေရသည့် အရပ်သားဦးရေ ၅၃ç ၄၀၀ ခန့် ရှိနေကြောင်း ပအိုဝ်းလူငယ် အ စည်းအရုံး (PYO) က သတင်းထုတ်ပြန် သည်။
ယင်းမြို့နယ်များအနက် ဆီဆိုင်မြို့ နယ်တွင် စစ်ဘေးရှောင် အများဆုံးဖြစ်နေပြီး ထိုအထဲမှ ၁၅၀၀၀ နှင့် အထက်ခန့်သည် ကယားပြည်နယ်မှ စစ်ဘေးရှောင်ပြည်သူ များ ဖြစ်ကြောင်းနှင့် ပင်လောင်း၊ ညောင်ရွှေ၊ တောင်ကြီးနှင့် ဟိုပုံးတို့တွင်လည်း ကယား ပြည်နယ်မှ စစ်ဘေးရှောင်များ လာရောက်ခို လှုံနေကြောင်း ပအိုဝ်းလူငယ် အစည်းအရုံး (PYO) က သတင်းထုတ်ပြန်သည်။
နေရပ်စွန့်ခွာထွက်ပြေးတိမ်းရှောင်နေသူများအနေဖြင့် အချိန်ကြာလာသည်နှင့်အ မျှ အရေးပေါ်စားနပ်ရိက္ခာနှင့် သောက်သုံး ရေ လိုအပ်ချက်များစွာရှိနေသည့်အပြင် အခြေခံကျန်းမာရေး စောင့်ရှောက်မှုများ လို အပ်နေသကဲ့သို့ ဆေးဝါးများ အကူအညီများ လည်း လိုအပ်လျက်ရှိကြောင်း ပအိုဝ်းလူငယ် အစည်းအရုံး (PYO) ၏ ထုတ်ပြန်ချက်တွင် ဖော်ပြထားသည်။
လက်ရှိတွင် ရှမ်းပြည်နယ် တောင်ပိုင်း ၌ စစ်ဘေးရှောင် ၅၀၀၀၀ ကျော်သာ ကျန်ရှိ သော်လည်း လက်နက်ကိုင်ပဋိပက္ခအတွင်း ကျန်ခဲ့သည့် မြေမြှုပ်မိုင်းအန္တရာယ်သည် ဒေ သခံများ၏ အသက်အန္တရာယ်ကို ထိခိုက်စေ သည့်အပြင် စိုက်ပျိုးရေးလုပ်ငန်းများတွင် မြေမြှုပ်မိုင်းနှင့် ကြွင်းကျန်လက်နက်အန္တ ရာယ်ကလည်း ကြီးမားနေကြောင်း၊ ထိုသို့ အန္တရာယ်များရှိနေခြင်းကြောင့် စိုက်ပျိုးမြေ အဖြစ် အသုံးပြု၍ မရသည့် စိုက်ပျိုးမြေအများအပြားရှိနေကြောင်း ပအိုဝ်းလူငယ် အ စည်းအရုံး (PYO) က သတင်းထုတ်ပြန် သည်။
ရှမ်းပြည်တောင်ပိုင်းတွင် တပ်မတော်၊ ပအိုဝ်းပြည်သူ့စစ် (PNA) ပူးပေါင်းတပ်နှင့် ပအိုဝ်း အမျိုးသားလွတ်မြောက်ရေးတပ်မ တော် (PNLA) မဟာမိတ်တပ်တို့အကြား လက်နက်ကိုင်ပဋိပက္ခများကြောင့် လေးလ ကျော်အတွင်း အရပ်သား ၇၇ ဦး သေဆုံးပြီး ၁၀၁ ဦး ဒဏ်ရာရရှိခဲ့ကြောင်း ပအိုဝ်းလူငယ် အစည်းအရုံး (PYO) က သတင်းထုတ်ပြန် သည်။
အရပ်သားများ ထိခိုက်သေဆုံးဒဏ်ရာ ရသည့် အကြောင်းရင်းများထဲတွင် လေကြောင်း တိုက်ခိုက်မှု၊ လက်နက်ကြီးပစ်ခတ်မှုနှင့် ဒရုန်းနှင့် ဗုံးကြဲမှုများ ပါဝင်ကြောင်း ပအိုဝ်း လူငယ် အစည်းအရုံး (PYO) က ဆိုသည်။
ရှမ်းပြည်နယ်တောင်ပိုင်း လက်နက် ကိုင်ပဋိပက္ခအတွင်း လေကြောင်းတိုက်ခိုက် မှု ၄၆၃ ကြိမ်၊ လက်နက်ကြီးပစ်ခတ်မှု ၃၅၃၈ ကြိမ်၊ အဆောက်အအုံ ထိခိုက်ပျက်စီးမှု ၇၀၈ ခု ရှိကြောင်း ပအိုဝ်းလူငယ် အစည်းအ ရုံး (PYO) ၏ ထုတ်ပြန်ချက်တွင် ဖော်ပြထား သည်။
အဆောက်အအုံ ထိခိုက်ပျက်စီးမှု၏ ၉၀ ရာခိုင်နှုန်းသည် လေကြောင်းတိုက်ခိုက် မှု၊ လက်နက်ကြီးပစ်ခတ်မှုနှင့် ဒရုန်းနှင့် ဗုံး ကြဲမှုများကြောင်းဖြစ်ကြောင်း ပအိုဝ်းလူ ငယ် အစည်းအရုံး (PYO) က ပြောကြား သည်။
ပအိုဝ်းလူငယ် အစည်းအရုံး (PYO) အနေဖြင့် လက်လှမ်းမှီရရှိသည့် မြေပြင်သတင်း အချက်အလက်များနှင့် အွန်လိုင်းသတင်း အချက်အလက်များအပေါ်တွင် အခြေ ခံ၍ ထုတ်ပြန်ခြင်းဖြစ်ပြီး မြေပြင်တွင် ယင်းကိန်း ဂဏန်းများထက် ပိုမိုများပြားနိုင်ကြောင်း ပအိုဝ်းလူငယ် အစည်းအရုံး (PYO) က ဆို သည်။
ဆီဆိုင်မြို့နယ်တွင် လက်နက်ကိုင်ပဋိ ပက္ခများ ပြင်းထန်နေသောကြောင့် ဒေသခံ များအနေဖြင့် မြို့အတွင်းသို့ ဝင်ရောက်ခြင်း၊ နေအိမ်ပြန်ကြည့်ခြင်းများ မပြုလုပ်ရန်နှင့် လက်နက်ကိုင်ပဋိပက္ခများနှင့် ကင်းဝေးသည့် နေရာများတွင် ယာယီခိုလှုံနေထိုင်ကြရန် PNLA ဘက်က ထုတ်ပြန်ထားသည်။
