မြန်မာနိုင်ငံတွင် လက်နက်ကိုင်ဋိပက္ခ ပြင်းထန်လာသဖြင့် နေရပ်စွန့်ခွာထွက်ပြေးရ သူဦးရေ သုံးသန်းကျော် စံချိန်တင်မြင့်တက်ခဲ့ပြီး လူဦးရေ၏ သုံးပုံတစ်ပုံသည် ကလေးသူငယ်များဖြစ်ကြောင်း ကုလသမဂ္ဂလူသားချင်း စာနာမှုဆိုင်ရာညှိနှိုင်းရေးရုံး (UNOCHA) က ထုတ်ပြန်သည်။
မြန်မာနိုင်ငံ၏ နေရာအနှံ့အပြားတွင် လက်နက်ကိုင်ပဋိပက္ခများ ဖြစ်ပွားနေပြီး အရပ်သားကာကွယ်စောင့်ရှောက်မှုဆိုင်ရာ လိုအပ်ချက်များနှင့် အခြားလိုအပ်ချက်အသစ်များ ကြီးမားလာခြင်းနှင့်အတူ မြန်မာနိုင်ငံက လူသားချင်းစာနာမှုဆိုင်ရာအခြေအနေများ မှာ ဆက်လက်ဆိုးရွားနေဆဲဖြစ်ကြောင်း UNOCHA က ဆိုသည်။
မြန်မာနိုင်ငံတွင် မြင့်တက်လာသော လက်နက်ကိုင်ပဋိပက္ခများ၊ မတည်ငြိမ်သော နိုင်ငံရေးနှင့် စီးပွားရေး အခြေအနေများ၊ အ ကြမ်းဖက်မှုများကို နေ့စဉ်ကြုံတွေ့နေရသည့် ပြည်သူများ၊ ပဋိပက္ခနှင့် သဘာဝဘေးနှစ်မျိုး ကြောင့် နေရပ်စွန့်ခွာနေရမှုများ အစရှိသည့် အခြေအနေများကို တုံ့ပြန်နိုင်ရန် ကုလသ မဂ္ဂက ၂၀၂၄ ခုနှစ် လူသားချင်းစာနာမှုဆိုင် ရာ လိုအပ်ချက်များနှင့် တုံ့ပြန်ရေးလုပ်ငန်း စီမံချက်ကို မဟာဗျူဟာ သုံးရပ် ချမှတ်၍ ဆောင်ရွက်ခဲ့ပြီး ထိုစီမံချက်အရ အကူအညီ ပေးရန် ဦးစားပေးသတ် မှတ်ထားသည့် ပြည် သူ ၅ ဒသမ ၃ သန်းအ တွက် ရန်ပုံငွေ ဒေါ်လာ ၉၉၄ သန်း လိုအပ်နေသည်။
မြန်မာနိုင်ငံတွင် လူသားချင်းစာနာမှု အကူအညီ လိုအပ်နေသည့် လူဦးရေ ၁၈ ဒ သမ ၆ သန်း ရှိသော်လည်း ကုလသမဂ္ဂအနေ ဖြင့် လူဦးရေ ၅ ဒသမ ၃ သန်းကိုသာ ကူညီ ရန် လျာထားပြီး လူသားချင်းစာနာမှုဆိုင်ရာ လိုအပ်ချက်များနှင့် တုံ့ပြန်ရေးလုပ်ငန်း စီမံ ချက် နှစ်ဝက်ကာလသို့ ရောက်လာသည့်အ ချိန်တွင် ၁၂ ရာခိုင်နှုန်းသာ ရန်ပုံငွေ ရရှိသေး ကြောင်း UNOCHA က ဆိုသည်။
ထိုသို့ ရန်ပုံငွေရရှိမှု နည်းပါးနေသော် လည်း မြန်မာနိုင်ငံက လူသားချင်းစာနာမှု ဆိုင်ရာ မိတ်ဖက်အဖွဲ့အစည်းများအနေဖြင့် ၂၀၂၄ ခုနှစ်၏ ပထမသုံးလပတ်အတွင်း နေ ရပ်စွန့်ခွာသူဦးရေ ငါးသိန်းနီးပါးအပါအဝင် လူဦးရေတစ်သန်းနီးပါးကို အကူအညီပေး နိုင်ခဲ့ကြောင်း UNOCHA က ထုတ်ပြန်သည်။
