ချန်ပီယံလိဂ်ဗိုလ်လုပွဲကြည့်ရန် ကလော့ပ်ကို ဒေါ့မွန် ဖိတ်ကြား

Photo: B/R Football

Published 23 May 2024

ဒေါ့မွန်အသင်းသည် ဇွန်လ(၁)ရက်တွင် ရီးယဲလ်အသင်းနှင့် ယှဉ်ပြိုင်ကစားမည့် ချန်ပီယံလိဂ်ဗိုလ်လုပွဲကို လာရောက်ကြည့်ရှုရန် အသင်းနည်းပြဟောင်း ယာဂန်ကလော့ပ်ကို ဖိတ်ကြားထားကြောင်း သိရသည်။

Bild သတင်းစာက ဒေါ့မွန်အသင်းအမှုဆောင်ချုပ် ဗက်ဇ်ကယ်သည် ကလော့ပ် နှင့် သူ၏မိသားစုကို ချန်ပီယံလိဂ်ဗိုလ်လုပွဲ ကြည့်ရှုရန် ဖိတ်ကြားခဲ့သည်ဟု ရေးသားခဲ့သည်။

ကလော့ပ်သည် ဒေါ့မွန်အသင်းကို ကိုင်တွယ်စဉ် ၂၀၁၂-၁၃ ဘောလုံးရာသီ ဝင်ဘလေကွင်းတွင်ကစားခဲ့သည့် ချန်ပီယံလိဂ်ဗိုလ်လုပွဲသို့ ပို့ဆောင်ပေးခဲ့သည်။