ယာဂန်ကလော့ပ်ရဲ့နှုတ်ဆက်ရာသီ၊ ဖလားလေးလုံး၊ အန်ဖီးလ်ကအလွမ်းတိမ်တိုက်တွေ၊ အဲဒီလိုစကားလုံးတွေနဲ့ လီဗာပူးလ်ရပ်ဝန်းဟာ အကြည်ဓာတ်လေး ရှိနေခဲ့ပါတယ်။ ဒါပေမဲ့ ရက်သတ္တပတ်အနည်းငယ်အတွင်းမှာ လီဗာပူးလ်ဟာ လေလွင့်သူဖြစ်သွားတယ်။ နာကျင်စရာလမ်းမထက် မူးလဲနေခဲ့တယ်။ အဲဒီလိုစိတ်ပျက်စရာကံကြမ္မာအခင်းအကျင်းမျိုးမှာ ဆာလာနဲ့ ကလော့ပ် ထိကြငြိကြတာ ဒုက္ခဟာအပေါင်းအသင်းနဲ့လာတယ်ဆိုတဲ့စကားအတွက် သက်သေပါပဲ။ တကယ်ပါပဲ၊ ဒုက္ခဟာ အပေါင်းအသင်းနဲ့လာပါတယ်။ ဆာလာက လီဗာပူးလ်ခေတ်သစ်ရဲ့အထူးချွန်ဆုံးသူရဲကောင်း၊ ယာဂန်ကလော့ပ်က လီဗာပူးလ် (၂.ဝ)ကိုထက် မြက်စွာဖန်ဆင်းပေးခဲ့သူ၊ သူတို့နှစ်ဦးစလုံးဟာ လီဗာပူးလ်ရဲ့ဘယ်တော့မှမမေ့အပ်တဲ့ ဂန္ထဝင်တွေပါပဲ။