တန်ဟက်ဂ်နဲ့ မန်ယူအသင်းရဲ့ ချန်ပီယံလိဂ်ဝင်ခွင့်မျှော်လင့်ချက်က တဖြည်းဖြည်းမှိန်ဖျော့လာပါတယ်။ ပြီးခဲ့တဲ့ ဖေဖော်ဝါရီလထဲမှာ နိုင်ပွဲတွေ ဆက်ခဲ့တာကြောင့် မျှော်လင့်နိုင်တဲ့အခြေအနေ ရှိလာခဲ့ပေမဲ့ ဖူလ်ဟမ်နဲ့ မန်စီးတီးကို နှစ်ပွဲဆက်ရှုံးခဲ့သလို၊ ပြီးခဲ့တဲ့နောက်ဆုံးပွဲမှာ ဘရန့်ဖို့ဒ်နဲ့ သရေကျခဲ့တာကြောင့် မျှော်လင့်ချက် ပြန်လည်မှေးမှိန်သွားခဲ့တာပါ။ အခု ပွဲစဉ်(၂၉)ပွဲ ယှဉ်ပြိုင်ကစားအပြီးမှာ မန်ယူအသင်းက ရမှတ်(၄၈)မှတ်နဲ့ အဆင့်(၆)နေရာရောက်ရှိနေပြီး အဆင့်(၄)နေရာက အက်စတွန်ဗီလာအသင်းနဲ့ တစ်ပွဲလျော့(၁၁)မှတ်အကွာ၊ အဆင့်(၅)နေရာက စပါးအသင်းနဲ့ (၈)မှတ်ကွာအနေ အထားမှာရှိနေပါတယ်။