လီဗာပူးလ်အသင်းဟာ ပြီးခဲ့တဲ့ ၂၀၂၂-၂၃ ဘောလုံးရာသီမှာ ဖလားလက်မဲ့နဲ့ရာသီသိမ်းပြီး ချန်ပီယံလိဂ်ဝင်ခွင့်နဲ့ လွဲချော်တဲ့အထိ အခြေအနေဆိုးခဲ့သလို၊ ပရီးမီးယားလိဂ်မှာအဆင့် (၅)၊ FA ဖလားနဲ့ လိဂ်ဖလားမှာ စတုတ္ထအဆင့်တွေနဲ့ ချန်ပီယံလိဂ်မှာ ရှုံးထွက် (၁၆)သင်းအဆင့်နဲ့ကျေနပ်ခဲ့ရတာတွေက နည်းပြ ယာဂန်ကလော့ပ်လက်ထက် (၈)ရာသီအတွင်း အဆိုးရွားဆုံးသော မှတ်တမ်းဖြစ်ခဲ့တဲ့အထိပါပဲ။ ပုံမှန်အခြေအနေအရဆို အသင်းကြီးတစ်သင်းအတွက် ဖလားလက်မဲ့ရာသီကြုံတွေ့ခြင်းဟာ ပြောပလောက်စရာကျရှုံးမှုမဟုတ်သလို၊ ဥရောပဘောလုံးလောကရဲ့ ဖြစ်ရိုးဖြစ်စဉ်အကြောင်းအရင်းတစ်ခုပါပဲ။