ဆော်ဒီလိဂ်ကြောင့် ဥရောပဘောလုံးလောကမှာ ပါးစပ်အဟောင်းသား ဖြစ်သွားရသူတွေ ဘယ်လောက်တောင်များနေပြီလဲ။ ငွေကြေးသက်သက်နဲ့ သွေးဆောင်ဖို့ မလွယ်ပါဘူးလို့ ယုံကြည်ထင်မှတ်ခဲ့ကြပေမဲ့ အခုတော့ ထိတ်ထိတ်ပြာပြာ ဖြစ်လာခဲ့ကြပါပြီ။ ဆော်ဒီလိဂ်ရဲ့ ငွေကြေးအင်အားသုံး တိုက်ခိုက်မှုအောက်မှာ ဥရောပဘောလုံးလောကက အကာအကွယ်မဲ့သလိုဖြစ်နေခဲ့ပါပြီ။ ပြီးခဲ့တဲ့နှစ် စီရော်နယ်လ်ဒို ရောက်ရှိချိန်က စတွက်ရင် တစ်နှစ်တာကာလအတွင်းမှာ ဆော်ဒီလိဂ်ကို ထပ်ရောက်သွားတဲ့ ဥရောပကြယ်ပွင့် ကစားသမားတွေက မနည်းမနောပါပဲ။