မန်ယူဂန္ထဝင်တိုက်စစ်မှူး အန်ဒီကိုးလ်က နည်းပြ တန်ဟက်ဂ်အတွက် ဒုတိယရာသီမှာ ပိုမိုခက်ခဲမည်ဟု သတိပေးပြောကြားခဲ့သည်။
တန်ဟက်ဂ်သည် မန်ယူအသင်းကို စတင်ကိုင်တွယ်ခဲ့သည့် ပြီးခဲ့သည့် ၂၀၂၂-၂၃ ရာသီတွင် လိဂ်ဖလား ရယူပေးနိုင်ခဲ့သလို၊ ချန်ပီယံလိဂ်ဝင်ခွင့်ရအောင်လည်း စွမ်းဆောင်ပေးနိုင်ခဲ့သည်။
ထို့ကြောင့် ၎င်း၏ဒုတိယရာသီတွင် အောင်မြင်မှုများ ပိုမိုရရှိရန် ပရိသတ်များ မျှော်လင့်နေကြမည်ဟု အန်ဒီကိုးလ်က ပြောကြားခဲ့သည်။
၎င်းက ''တန်ဟက်ဂ်ဟာ သူ့ရဲ့ပထမရာသီမှာ အကောင်းဆုံးလုပ်ပြနိုင်ခဲ့တာကြောင့် ဒုတိယရာသီမှာ ပရိသတ်တွေရဲ့ မျှော်လင့်ချက်က ပိုမြင့်နေမှာပါ။ ဒါကြောင့် ရာသီသစ်က သူ့အတွက် မနှစ်ကထက် ပိုခက်ပါလိမ့်မယ်''ဟု ပြောကြားခဲ့သည်။