အီရတ်၏နောက်ဆုံးအကြိမ် ရွေးကောက်ပွဲအပြီးနောက်ပိုင်း တစ်နှစ်အကြာတွင် နိုင်ငံ၌ အစိုးရအသစ် တစ်ရပ်အပြင် ဘတ်ဂျက်တစ်ရပ် လည်းမရှိသည့် အနေအထားတွင် တည်ရှိနေပြီး ရေနံပေါကြွယ်ဝသော်လည်း စစ်ဒဏ်ခံနေရသည့်နိုင်ငံတွင် အလွန်လိုအပ်နေသောပြုပြင် ပြောင်းလဲမှုများနှင့် အခြေခံအဆောက်အအုံစီမံကိန်းများကို အဟန့်အတား ဖြစ်စေခဲ့သည်။
အီရတ်သည် ယခုနှစ်တွင်ရေနံတင်ပို့မှုများမှ အမြတ်ငွေများစွာရရှိခဲ့သော်လည်း အမြတ်အစွန်းများကို နိုင်ငံခြားအရန်ငွေဒေါ်လာ ၈၇ ဘီလျံစုဆောင်းထားသည့် ဗဟိုဘဏ်၏ဘဏ္ဍာတိုက်တွင်သိမ်းဆည်းထား ရှိသည်။
ဝန်ကြီးချုပ် မူစတာဖာအယ် ကတ်ဟီမီသည် အိမ်စောင့်အဖြစ် ပါလီမန်သို့ဘတ်ဂျက်တင်သွင်းခွင့် အာဏာမရှိသည့် အတွက်အစိုးရအနေဖြင့် နှစ်စဉ်နိုင်ငံတော်ဘတ်ဂျက်မရှိဘဲ ယင်းငွေကြေးများကို ရင်းနှီးမြှုပ်နှံနိုင်ခြင်းမရှိပေ။
“အခြေခံအဆောက်အအုံစီမံကိန်းတွေဟာ အစိုးရရဲ့ နှစ်ပေါင်းများစွာ တည်ငြိမ်မှုရှိတဲ့ ဘဏ္ဍာရေး စီမံကိန်းအဖြစ်လိုအပ်ပါတယ်” ဟု အရှေ့အလယ်ပိုင်းစီးပွားရေးစစ်တမ်း (MEES) မှ ပင်လယ်ကွေ့သုတေသီ ရီဆာအယ်မာလီကီက ပြောကြားခဲ့သည်။
“နိုင်ငံရေးအခြေအနေဟာ ရင်းနှီးမြှုပ်နှံသူတွေနဲ့ အီရတ်ရဲ့ အားနည်းတဲ့ ရပ်တည်မှုကိုပိုပြီးအားနည်းသွားစေတဲ့ ကြီးမားတဲ့အနှောင့်အယှက်ဖြစ်စေပါတယ်”ဟု ၎င်းကဆိုသည်။ အတောမသတ်နိုင်သည့်အကျင့်ပျက်ခြစားမှုများ၊ အလုပ်လက်မဲ့မြင့်တက်မှုများနှင့် အခြေခံအဆောက်အအုံယိုယွင်းပျက်စီးမှုများကြောင့် လွန်ခဲ့သည့်နှစ်နှစ်ကစတင်ခဲ့သော ဆန္ဒပြမှုများကြောင့် ဖြစ်ပွားခဲ့သော အစောပိုင်းရွေးကောက်ပွဲကို၂၀၂၁ အောက်တိုဘာ ၂၁ ရက်တွင်ပြုလုပ်ခဲ့သည်။
ပါလီမန်တွင် ပြိုင်ဘက်ရှီးယိုက် အဖွဲ့ခွဲများက အာဏာရရှိရန်နှင့်ဝန်ကြီးချုပ်သစ်နှင့်အစိုးရသစ် တစ်ရပ်ကို ရွေးချယ်ခွင့်တို့ကို ပြိုင်ဆိုင်နေမှုနှင့်အတူ ထိုအချိန်မှစ၍ နိုင်ငံသည် တွန်းလှန်မရနိုင်သော နိုင်ငံရေးဆိုင်ရာ မဆုတ်သာမတိုးသာ အခြေအနေတွင် နစ်မြှုပ်နေခဲ့သည်။
၂၀၂၂ ခုနှစ်အတွက်ဘတ်ဂျက်မရှိလျှင် အစိုးရသည် ၂၀၂၁ ဘတ်ဂျက်တွင်သတ်မှတ်ထားသော ပြဋ္ဌာန်းချက်များနှင့် နှုန်းထားများဖြင့် ကန့်သတ်ထားသောကြောင့် ပြည်သူ့ အသုံးစရိတ်သည် အလွန်အကန့်အသတ်ရှိသည့် သဘောသက်ရောက်သည်။
ဆင်းရဲချို့တဲ့စွာ နေထိုင်ကြရသည့် လူဦးရေ သုံးပုံတစ်ပုံဖြစ်သော အီရတ်လူဦးရေ ၄၂ သန်း၏ အများစုသည်ဆွဲကြိုးချအဆုံးစီရင်ခဲ့ကြသည်ဟု ကုလသမဂ္ဂက ထုတ်ပြန်ထားသည်။
