ဘိုင်ယန်မြူးနစ်အသင်းသည် မန်ယူတိုက်စစ်ကစားသမား ရပ်ရှ်ဖို့ဒ်အား ခေါ်ယူရန်ပစ်မှတ်ထားနေပြီး ၎င်း၏အခြေအနေကို စောင့်ကြည့်နေကြောင်း Telegraph သတင်းစာက ဖော်ပြခဲ့သည်။
အသက် (၂၄) နှစ်အရွယ်ရှိ ရပ်ရှ်ဖို့ဒ်သည် ပြီးခဲ့သည့် ၂၀၂၁-၂၂ ရာသီတွင် ခြေစွမ်းပြရန် ရုန်းကန်ခဲ့ရပြီး ပြိုင်ပွဲစုံ (၃၂) ပွဲတွင် (၅) ဂိုးသာ သွင်းယူနိုင်ခဲ့သည်။
ထို့ပြင် မန်ယူအသင်းနှင့်ချုပ်ဆို ထားသည့် ရပ်ရှ်ဖို့ဒ်၏စာချုပ်မှာ ၂၀၂၃ ခုနှစ်တွင် ကုန်ဆုံးမည်ဖြစ်ရာ ၎င်းအနေဖြင့် ယခုနွေတွင် အသင်းပြောင်းရွှေ့ဖွယ်ရှိသည်ဟု သတင်းထွက်ပေါ်နေသည်။
ထို့ကြောင့် ဘိုင်ယန်မြူးနစ်အသင်းသည် အသင်းမှထွက်ခွာဖွယ်ရှိသည့် လီဝန်ဒေါစကီးနှင့် နာဘရီတို့နေရာတွင် ရပ်ရှ်ဖို့ဒ်ဖြင့် အစားထိုးရန် စောင့်ကြည့်နေခြင်းဖြစ်ကြောင်း သိရသည်။
