ထိုင်းနိုင်ငံဘက်သို့ တရားမ၀င် ၀င်​ရောက်သူ မြန်မာနိုင်ငံသား ၂၀ ဦး သည် တာ့ခရိုင်  မဲ​ဆောက်မြို့နယ် ထာ့ဆိုင်လွတ် ​ကျေးရွာအုပ်စုတွင်   ဇူလိုင် ၂၅ ရက်​နေ့က ဖမ်းဆီးခံရ ​ကြောင်းသိရသည်။ 

ထိုင်းအမှတ် (၃) စစ်ဒေသ၊ ရာချမနူ စစ်ကြောင်း (Ratchamanu Task Force) မှ တပ်ဖွဲ့ဝင်များသည် တရားမ၀င်နယ်စပ် ဖြတ်​ကျော် မှုခင်းများ တားဆီး​ရေးအတွက် လုံခြုံ​ရေး ​ဆောင်ရွက်​နေစဥ် ထိုင်း-မြန်မာနယ်စပ်၊  မဲဆောက်မြို့နယ်  ထာ့ဆိုင်းလွတ်ကျေးရွာအုပ်စု၊ အမှတ် (၂) ရပ်ကွက်ရှိ "မဲမေစတီး" (Mae Moei City) ကုန်တိုက်အနီး တောအုပ်အတွင်းသို့ တရားမဝင်  ဝင်ရောက် နေသည့် မြန်မာနိုင်ငံသား ၂၀ ဦးကို ​တွေ့ရှိ  ဖမ်းဆီးခဲ့​ကြောင်း ထိုင်း ​ဒေသတွင်းသတင်းများ ​ဖော်ပြချက်အရသိရသည်။ 

ထိုင်းအမှတ်(၃) စစ်​ဒေသ ၊ရာချမနူ စစ်ကြောင်း အဖွဲ့သည်  နယ်မြေကင်းလှည့်/ကင်းပုန်းဝပ် နယ်မြေစိုးမိုးရေးဆောင်ရွက်စဉ် မသင်္ကာဖွယ် လူစုတစ်စုကို တွေ့ရှိခဲ့သဖြင့် စစ်ဆေးမေးမြန်းရာ တရားဝင် ခရီးသွားလာခွင့် လက်မှတ်နှင့် ပတ်စပို့/အထောက်အထား တစ်စုံတစ်ရာ ပြသနိုင်ခြင်း မရှိကြောင်းသိရသည်။ 

ထို့ကြောင့် တရားမဝင် ဝင်ရောက်လာသူ မြန်မာနိုင်ငံသား  အမျိုးသား ၁၁ ဦးနှင့် အမျိုးသမီး ၉ ဦး၊ စုစုပေါင်း မြန်မာနိုင်ငံသား ၂၀ ဦး အား သက်ဆိုင်ရာမှ  ထိန်းသိမ်းခဲ့ကြောင်းသိရသည်။ 

ထိုင်းနိုင်ငံဘက်သို့တရားမ၀င် ၀င်​ရောက်ခဲ့ပြီး  ဖမ်းဆီးခံရသူ မြန်မာနိုင်ငံသားများအား ဥပဒေလုပ်ထုံးလုပ်နည်းများအတိုင်း ဆက်လက် အရေးယူဆောင်ရွက်နိုင်ရန် တာ့ခ်ခရိုင် (မဲဆောက်) လူဝင်မှုကြီးကြပ်ရေးဌာန (တမ) ရုံးသို့ လွှဲပြောင်းပေးအပ်ထားကြောင်း ထိုင်းနိုင်ငံဘက်မှ လာ​သော သတင်းများအရ သိရသည်။ 

■ Source: แม่สอด มีเดีย-Mae Sot Media,

■ Thai News