ထို့ကြောင့် လူးကပ်စ်နှင့် သီယိုတို့မှာ တစ်အူထုံ့ဆင်းညီရင်းအစ်ကိုများထဲမှ ချန်ပီယံလိဂ်ဖလားကို ကိုင်မြှောက်နိုင်သည့် ဆဋ္ဌမမြောက် ညီအစ်ကိုအတွဲဖြစ်လာခဲ့ပြီး မတူညီသည့်ကလပ်အသင်းများနှင့်မူ စတုတ္ထမြောက်အဖြစ် မှတ်တမ်းဝင်ခဲ့သည်။
ပြင်သစ်နောက်ခံလူ လူးကပ်စ်ဟာနန်ဒက်ဇ်သည် ယခုရာသီတွင် ဘိုင်ယန်မြူးနစ် အသင်းနှင့်အတူ ချန်ပီယံလိဂ်ဖလားကို ကိုင်မြှောက်နိုင်ခဲ့ပြီးနောက် ပြိုင်ပွဲသမိုင်း၌ ဆုဖလားရရှိဖူးသည့် ညီအစ်ကိုအရေအတွက်မှာ ခြောက်တွဲအထိ ရှိလာခဲ့ကြောင်း သိရသည်။
လူးကပ်စ်၏ညီ သီယိုဟာနန်ဒက်ဇ်မှာ ၂၀၁၇-၁၈ ရာသီက ရီးယဲလ်မက်ဒရစ်အသင်း နှင့်အတူ ချန်ပီယံလိဂ်ဖလား ရယူနိုင်ခဲ့ပြီး လက်ရှိ၌မူ အေစီမီလန်အသင်းတွင် ကစားနေသူဖြစ်သည်။
ထို့ကြောင့် လူးကပ်စ်နှင့် သီယိုတို့မှာ တစ်အူထုံ့ဆင်းညီရင်းအစ်ကိုများထဲမှ ချန်ပီယံလိဂ်ဖလားကို ကိုင်မြှောက်နိုင်သည့် ဆဋ္ဌမမြောက် ညီအစ်ကိုအတွဲဖြစ်လာခဲ့ပြီး မတူညီသည့်ကလပ်အသင်းများနှင့်မူ စတုတ္ထမြောက်အဖြစ် မှတ်တမ်းဝင်ခဲ့သည်။
ချန်ပီယံလိဂ်ဖလားရဖူးသည့် ညီအစ်ကိုအတွဲများမှာ မိုက်ကယ်လောဒရပ်(ဘာစီလိုနာ/ ၁၉၉၂)နှင့် ဘရိုင်ယန်လောဒရပ်(အေစီမီလန်/ ၁၉၉၄)၊ ဖရန့်ဒီဘိုးဝါးနှင့် ရော်နယ်ဒီဘိုးဝါး (အေဂျက်စ်/၁၉၉၅)၊ ဂယ်ရီနဗီးလ်နှင့် ဖီးလ်နဗီးလ်(မန်ယူ/၁၉၉၉)၊ ဂါဘရီယဲလ်မီလီတို (ဘာစီလိုနာ/၂၀၀၉)နှင့် ဒီယေဂိုမီလီတို (အင်တာမီလန်/၂၀၁၀)၊ သီယာဂိုအယ်လ်ကန်တာရာ(ဘာစီလိုနာ/၂၀၁၁)နှင့် ရာဖင်ဟာအယ်လ်ကန်တာရာ (ဘာစီလိုနာ/၂၀၁၅) တို့ဖြစ်သည်။