PSG အသင်းတိုက်စစ်မှူး နေမာ တစ်ဦးတည်း၏ တစ်နှစ်လုပ်ခလစာငွေသည် အတ္တလန်တာတစ်သင်းလုံး၏ တစ်နှစ်လစာ အသုံးစရိတ်ထက် ပိုမိုများပြားနေသည်ဟု ဥရောပမီဒီယာ များက ဖော်ပြခဲ့ကြသည်။
နေမာသည် ၂၀၁၇ ခုနှစ်က ဘာစီလိုနာအသင်းမှ PSG အသင်းထံသို့ ကမ္ဘာ့စံချိန်တင်ပြောင်းရွှေ့ကြေး ယူရို(၂၂၂)သန်းဖြင့် ပြောင်းရွှေ့လာခဲ့သူ ဖြစ်ပြီးသူ၏လုပ်ခလစာငွေမှာလည်း တစ်ပတ်လျှင် ပေါင် (၆၂ဝဝဝဝ) အထိ ရရှိနေသည်။
ယင်းပမာဏမှာ ဗြိတိန်ပေါင်ငွေဖြင့်ဆိုပါက တစ်နှစ်လျှင် ပေါင် (၃၂.၅)သန်းအထိ ရှိနေပြီး၊ အတ္တလန်တာအသင်း၏ တစ်နှစ်တာ လစာငွေအသုံးစရိတ်မှာမူ ပေါင် (၂၇) သန်းဝန်းကျင်သာ ရှိနေကြောင်း သိရှိရသည်။
အတ္တလန်တာအသင်းတွင် လစာအများဆုံးရရှိနေသည့် ကစားသမား (၃)ဦးမှာ ဂိုးမက်ဇ်၊ ဇာပါတာနှင့် မူရီယဲလ်တို့ဖြစ်ပြီး ပေါင်ငွေဖြင့်ဆိုပါက တစ်ဦးလျှင် (၁.၅)သန်းစီ ရရှိနေ ကြခြင်းဖြစ်ပြီး တစ်ပတ်လုပ်ခ ပေါင် (၂၉ဝဝဝ)ဝန်းကျင်သာရရှိနေခြင်း ဖြစ်သည်။
ကျန်ကစားသမားအများစုမှာ တစ်ပတ်လုပ်ခ ပေါင် (၁၅ဝဝဝ) နှင့် (၂ဝဝဝဝ)ဝန်းကျင်သာ ရရှိနေကြသူများဖြစ်သည်။
