ပခုံးဒဏ်ရာခွဲစိတ်မှုခံယူရမည်ဖြစ်သဖြင့် ဂျူဗင်တပ်စ်နောက်ခံလူ ဒီလစ် နိုဝင်ဘာလအထိ အနားယူရမည်
Photos : Getty Images
ဒီလစ်သည် ၂၀၁၉ ခုနှစ် အတွင်း၌လည်း ညာဘက်ပခုံးဒဏ်ရာရရှိခဲ့ပြီး အနားယူခဲ့ရဖူးသည်
ဂျူဗင်တပ်စ်နောက်ခံလူ ဒီလစ်သည် ပခုံးဒဏ်ရာခွဲစိတ်မှုခံယူရမည်ဖြစ်သဖြင့် နိုဝင်ဘာလအထိ အနားယူရဖွယ်ရှိနေကြောင်းသိရသည်။
ဒီလစ်သည် ၂၀၁၉ ခုနှစ် အတွင်း၌လည်း ညာဘက်ပခုံးဒဏ်ရာရရှိခဲ့ပြီး အနားယူခဲ့ရဖူးသည်။ ဒီလစ်က "ကျွန်တော့်ရဲ့ ပခုံးဒဏ်ရာကို ခွဲစိတ်ကုသရပါမယ်။ ဒါက မဖြစ်မနေ လုပ်ရမယ့် အရာပါပဲ။ အခုအချိန်ကစပြီး ဒါကို ကျွန်တော် အာရုံစိုက်သွားပါမယ်။ ချန်ပီယံလိဂ်ရှုံးထွက် (၁၆)သင်းအဆင့်ကနေ ထွက်ခဲ့ရလို့ ကျွန်တော် စိတ်မကောင်းပါဘူး။ ဒါပေမဲ့ အခုအချိန်မှာ ကျွန်တော့်အတွက် အားပြန်ဖြည့်ဖို့ အချိန်လိုအပ် နေပါတယ်" ဟု ပြောကြားခဲ့သည်။
၂၀၁၉-၂၀ ရာသီတွင် ဂျူဗင်တပ်စ်၏ ခံစစ် ကစားသမားများစွာသည် ဒဏ်ရာပြဿနာများနှင့် ရင်ဆိုင်ခဲ့ရသည်။
