လက်ရှိအချိန်တွင် ဘာလိုတယ်လီသည် သူပါဝင်ကစားနေသည့် ဘရက်စီယာအသင်းနှင့် ပြဿနာများဖြစ်ပွားနေပြီး တရားရင်ဆိုင်ရဖွယ်ရှိနေသည်။
အီတလီအသင်းနည်းပြ မန်စီနီက လက်ရှိအချိန်တွင် ပုံရိပ်ကျဆင်းနေသည့် တိုက်စစ်မှူး ဘာလိုတယ်လီသည် တစ်နေ့နေ့တစ်ချိန်ချိန်၌ ပုံစံကောင်းပြန်ရလိမ့်မည်ဖြစ်ကြောင်း ထောက်ခံပြောကြားခဲ့သည်။
လက်ရှိအချိန်တွင် ဘာလိုတယ်လီသည် သူပါဝင်ကစားနေသည့် ဘရက်စီယာအသင်းနှင့် ပြဿနာများဖြစ်ပွားနေပြီး တရားရင်ဆိုင်ရဖွယ်ရှိနေသည်။
မန်စီနီက " သူဘာလုပ်နေလဲဆိုတာ ကျွန်တော် အမြဲစောင့်ကြည့်မိတယ်။ သူ့ကို ချာတိတ်ဘဝကတည်းက ကျွန်တော် လေ့ကျင့်ပေးခဲ့ပါတယ်။ သူ့ရဲ့ အကောင်းဆုံးနှစ်တွေရှိခဲ့ဖူးပါတယ်။ သူ့အသက်က (၃၀)လောက် ပဲရှိသေးလို့ ပြောင်းလဲချိန်ရှိပါသေးတယ်။ တစ်နေ့မှာ သူ့ရဲ့ဘောလုံးပါရမီကို အလကားလုပ်ခဲ့မိလို့ သူ နောင်တရနေပါလိမ့်မယ်။ သူက ပုဂ္ဂိုလ်ရေး အရကောင်းမွန်သူဖြစ်ပြီး ယဉ်ကျေးသူတစ်ဦးပါ။ ကိုယ့်ကိုယ်ကိုယ်မဖျက်ဆီးဖို့ ဘာလိုတယ်လီကို ကျွန်တော် အမြဲတမ်းပြောခဲ့ဖူးပါတယ်။ သူက အလားအလာရှိတဲ့ကစားသမားတစ်ဦးဖြစ်ခဲ့ပါတယ်" ဟု ပြောကြားခဲ့သည်။
