ဘိုင်ယန်မြူးနစ်တိုက်စစ်ကစားသမား မူလာက ကိုရိုနာဗိုင်းရပ်စ်အန္တရာယ်ကြောင့် ရပ်နားထားရသည့် ယခုရာသီ ဘွန်ဒစ်လီဂါပြိုင်ပွဲကို ပြီးဆုံးအောင် ကျင်းပနိုင်မည်ဟု ယုံကြည်ကြောင်း ပြောကြားခဲ့သည်။ 

ကမ္ဘာအနှံ့တွင် ပြန့်ပွားနေသည့် ကိုရိုနာဗိုင်းရပ်စ်အန္တရာယ်ကြောင့် ဘွန်ဒစ်လီဂါပြိုင်ပွဲကို ရပ်နားထားရပြီး အနည်းဆုံး ဧပြီလ (၃၀)ရက်နေ့အထိ ရွှေ့ဆိုင်းထားသည်။ 

သို့သော် မူလာက ယခုရာသီ ဘွန်ဒစ်လီဂါပြိုင်ပွဲကို ပြီးဆုံးအောင်ကစားနိုင်မည်ဟု ယုံကြည်ကြောင်းနှင့် မိမိအနေဖြင့် ကိုရိုနာဗိုင်းရပ်စ်ကြောင့် ကြုံတွေ့ရသည့်အခက်အခဲများကို တွန်းအားအဖြစ် အသုံးချသွားမည်ဖြစ်ကြောင်း ပြောကြားခဲ့သည်။ 

မူလာက "ကိုရိုနာဗိုင်းရပ်စ်ကပ်ရောဂါကြောင့် ရပ်နားထားရတဲ့ ဒီရာသီ ဘွန်ဒစ်လီဂါပြိုင်ပွဲကို ပြန်လည်ကစားနိုင်မယ်လို့ ကျွန်တော် ယုံကြည်ပါတယ်။ ကျွန်တော်တို့အနေနဲ့ လက်ရှိဘောလုံးရာသီကို အောင်မြင်စွာကစားနိုင်မှာပါ။ ကိုရိုနာဗိုင်းရပ်စ်အန္တရာယ်ကြောင့် ကြုံတွေ့ခဲ့ရတဲ့ အခက်အခဲတွေကို ကျွန်တော့်အနေနဲ့ ဘောလုံးပွဲတွေ ပြန်ကစားတဲ့အခါ တွန်းအားအဖြစ် အသုံးချသွားမှာပါ"ဟု ပြောကြားခဲ့သည်။ 

အသက် (၃၀)နှစ်အရွယ်ရှိ ဂျာမန်တိုက်စစ်ကစားသမား မူလာသည် ဘိုင်ယန်မြူးနစ်အသင်းနှင့် ၂၀၂၃ ခုနှစ်အထိ သက်တမ်းရှိ စာချုပ်သစ်ရပ်ကို ချုပ်ဆိုခဲ့ပြီး အသင်းနှင့်အတူ အောင်မြင်မှုများ ဆက်လက်ရယူသွားမည်ဟုလည်း ပြောကြားခဲ့သည်။ 

မူလာသည် ဘိုင်ယန်မြူးနစ်အသင်းအတွက် ယခုရာသီ ပြိုင်ပွဲစုံ (၃၆)ပွဲတွင် (၁၀)ဂိုးသွင်းကာ ဂိုးဖန်တီးမှု (၁၉)ကြိမ်အထိ ပြုလုပ်ပေးထားသည်။