ပြီးခဲ့သည့် ၂၀၁၈ ကမ္ဘာ့ဖလားပြိုင်ပွဲ ဆီမီးဖိုင်နယ်ပွဲစဉ် ခရိုအေးရှား (၂-၁) အင်္ဂလန်ပွဲတွင် အင်္ဂလန်ပရိသတ်များ အော်ဟစ်မှုနှင့်ပတ်သက်၍ ကမ္ဘာ့ဘောလုံးအဖွဲ့ချုပ် (ဖီဖာ) သည် အင်္ဂလန်ဘောလုံးအဖွဲ့ချုပ်အား သတိပေးခဲ့ကြောင်း သိရှိရသည်။
ယင်းပွဲတွင် အင်္ဂလန်ပရိသတ်များက "လက်နက်မချနဲ့" ဟူသော အော်ဟစ်မှုအပါအဝင် နိုင်ငံရေးဆက်နွယ်သည့် အော်ဟစ်မှုအချို့ကို ပြုလုပ်ခဲ့ကြခြင်း ဖြစ်သည်။
ဖီဖာက ထုတ်ပြန်သတိပေးခဲ့သောကြေညာချက်တွင် " ခရိုအေးရှား-အင်္ဂလန်ပွဲတွင် ပွဲကြည့်စင်ပေါ် ရှိ အင်္ဂ လန်ပရိသတ်အချို့ထံမှ နိုင်ငံရေးဆက်နွယ်သည့် အော်ဟစ်မှုများ ရှိခဲ့ကြောင်း၊ ယင်းကဲ့သို့ ပြိုင်ဘက်အပေါ် လေး စားမှုမရှိသည့်လုပ်ရပ်အတွက် အင်္ဂလန်ဘောလုံးအဖွဲ့ချုပ်ကို ဖီဖာစည်းကမ်းပိုင်းဆိုင်ရာပုဒ်မ (၆၇) အရ သတိပေးကြောင်း" ဖော်ပြပါရှိသည်။
ဖီဖာသည် ကမ္ဘာ့ဖလားပွဲစဉ်များတွင် ပရိသတ်များ၏ အော်ဟစ်မှုအတွက် ဆားဘီးယား၊ မက္ကဆီကို၊ အာဂျင်တီးနား အစရှိသော ဘောလုံးအဖွဲ့ချုပ်များကိုလည်း ဒဏ်ငွေများချမှတ်ခဲ့သည်။
