ပဲခူးမြို့တွင် မိခင်ဖြစ်သူက လမ်းထိပ်တွင် ခြင်ဆေးခွေ သွားဝယ်ခိုင်းရာမှ ခုနစ်နှစ်အရွယ်ကလေးငယ် ဓာတ်လိုက်သေဆုံး
ပဲခူးမြို့တွင် မိခင်ဖြစ်သူက လမ်းထိပ်တွင် ခြင်ဆေးခွေ သွားဝယ်ခိုင်းရာမှ ခုနစ်နှစ်အရွယ်ကလေးငယ် ဓာတ်လိုက်သေဆုံးခဲ့သည်ဟု ပဲခူးမြို့ခံများထံမှ သိရသည်။
ပဲခူးမြို့၊ ဥဿာမြို့သစ်(၁)ရပ်ကွက် နယ်မြေ(၅) တွင် ဇူလိုင် ၁၈ ရက် ညနေပိုင်းက ခုနစ်နှစ်အရွယ် Grade -1 ကျောင်းသားတစ်ဦးအား မိခင်ဖြစ်သူက လမ်းထိပ်ရှိစျေးဆိုင်တွင် ခြင်ဆေးခွေသွားဝယ်ခိုင်း ခဲ့ခြင်းဖြစ်သည်။
အဆိုပါ ကလေးငယ်မှာ ခြင်ဆေးခွေ သွားဝယ်ရာ လမ်းထိပ် ရေစက်ပတ်လမ်းအရောက်တွင် မြေပြင်ပေါ်သို့ ပြုတ်ကျနေသည့် လမ်းမီးတိုင်မှ သတ္တုလျှပ်စစ်ကြိုးအား ခလုတ်တိုက်မိကာ ဓာတ်လိုက်သေဆုံးခဲ့ကြောင်း သိရသည်။
သေဆုံးသူကလေးငယ်မှာ မောင်ကျော်ကျော်မျိုးဖြစ်ပြီးရွှေဘုန်းပွင့်ဘုန်းတော်ကြီးစာသင်ကျောင်းတွင် ပညာသင်ကြားနေသူဖြစ်ကြောင်း သိရသည်။
