အာဆီယံအတွင်းရေးမှူးချုပ်ဒေါက်တာကာအိုကင်ဟွန်းနှင့်  ကုလသမဂ္ဂအတွင်းရေးမှူးချုပ်၏မြန်မာနိုင်ငံဆိုင်ရာအထူးသံတမန် ဂျုလီဘစ်ရော့တို့သည် မြန်မာနိုင်ငံတွင် ဖြစ်ပေါ်နေသော အခြေအနေကိုဖြေရှင်းရန် ဇန်နဝါရီ ၂၁ ရက်တွင် ထိထိရောက်ရောက် ဆွေးနွေးခဲ့သည်ဟု အာဆီယံက ထုတ်ပြန်ခဲ့သည်။

၎င်းတို့၏‌ဆွေးနွေးမှုသည် အာဆီယံ၏လူသားချင်းစာနာမှုဆိုင်ရာ ကြိုးပမ်းအားထုတ်မှုများကို အထောက်အကူပေးရာတွင်လည်းကောင်း၊ အာဆီယံ၏ဘုံသဘောတူညီချက်ငါးရပ်ကို အကောင်အထည်ဖော်ရာတွင် တိုးတက်မှုရရှိစေရန်လည်းကောင်း၊ ငြိမ်းချမ်းရေးနှင့်တည်ငြိမ်ရေး၊ဒေသတွင်း ပြည်သူများ၏သုခတို့ကို အားပေးရန်လည်းကောင်း ပူးပေါင်းဆောင်ရွက်မှု၏ အရေးကြီးပုံကို မီးမောင်းထိုးပြနေသည်ဟု ထုတ်ပြန်ချက်တွင် အာဆီယံက ဖော်ပြခဲ့သည်။