၂၀၂၄ ခုနှစ်ရဲ့ နောက်ဆုံးသောနိုင်ငံတကာပွဲစဉ်ရက်သတ္တပတ်ကို ဖြတ်သန်းပြီးချိန်မှာတော့ ဥရောပထိပ်တန်းလိဂ်ပြိုင်ပွဲတွေရဲ့ ပြင်းထန်တဲ့အားပြိုင်မှုနဲ့ ရင်ခုန်စိတ်လှုပ်ရှားစရာ အပြောင်းအလဲတွေကို တစ်ကျော့ပြန်လည်ခံစားရတော့မှာပါ။ လက်ရှိအချိန်မှာတော့ ထိပ်တန်းကလပ်အသင်းတွေအနေနဲ့ နှစ်သစ်ကူးကာလကို ရောက်ရှိတော့မှာဖြစ်သလို၊ ရာသီတစ်ခုရဲ့ (၃)ပုံ၊ (၁)ပုံကာလကို ကျော်ဖြတ်နိုင်ခဲ့ပြီးဖြစ်လို့ အမှားခံလို့မရတဲ့အချိန် လို့ဆိုရပါလိမ့်မယ်။ ကလပ်အသင်းတွေအတွက် ရလဒ်ပိုင်းအရ အရေးကြီးနေသလို ကစားသမားတွေအတွက်လည်း တစ်ဦးချင်းအမှားအယွင်းတွေ၊ ရလဒ်ပိုင်းတွေနဲ့ မတည် ငြိမ်မှုတွေက စိန်ခေါ်မှုတွေအဖြစ် ရှိနေပါတယ်။